كوروناۆيرۋستان ۇيدەن ەمدەلۋ حاتتاماسىنا بەس تەگىن ءدارى ەنگىزىلدى

نۇر- سۇلتان. قازاقپارات - ك ۆ ي- دەن ءۇي جانە امبۋلاتوريالىق دەڭگەيدە ەمدەۋ حاتتاماسىنا تەگىن بەس فارماتسيەۆتيكالىق پرەپارات ەنگىزىلدى.

بۇل تۋرالى دەنساۋلىق ساقتاۋ ءمينيسترى الەكسەي سوي و ك ق- دا وتكەن باسپا ءسوز ءماسليحاتىندا ءمالىم ەتتى، دەپ حابارلايدى قازاقپارات ءتىلشىسى.

« كوروناۆيرۋستى پنيەۆمونيانى، ك ۆ ي- ءدى ءۇي جانە امبۋلاتوريالىق دەڭگەيدە ەمدەۋ حاتتاماسىنا تەگىن بەس فارماتسيەۆتيكالىق پرەپارات ەنگىزۋ ماسەلەسىن قاراستىرىپ جاتىرمىز»، - دەدى الەكسەي سوي. مينيستر اتاپ وتكەندەي، ادامدار نارىقتا وسى پرەپاراتتاردى ىزدەپ كەتپەۋ ءۇشىن قولعا الىنىپ وتىرعانىن جەتكىزدى.

«قازىر قاجەتتى پروتسەدۋرالار جۇرگىزىلىپ جاتىر. ەمدەۋ حاتتامالارى ەنگىزىلۋدە. پاتسيەنتتەر اۋرۋحاناعا جەتپەي جاتىپ، ەمدى ۇيىندە الا الاتىنداي، ياعني پرەپاپاراتتى ۇيىنە جەتكىزۋ ماسەلەسىن پىسىقتاۋدامىز»، - دەدى ول. ناقتىراق ايتقاندا امبۋلاتوريالىق ءدارى- دارمەكپەن قامتۋ تىزىمىنە ىستىق تۇسىرەتىن پرەپاراتتاردان «پاراتسەتامول» مەن «يبۋپروفەندى» ، انتيكواگۋليانتتاردان «ريۆاروكسابان» ، «اپيكسابان» مەن «دابيگوتراندى» ەنگىزۋ كوزدەلگەن. «بولشەكتىك ساۋدا ءۇشىن ءبىز رەسەي مەن ءۇندىستاننان 6 اۋە رەيسىن ورىنداپ، قازاقستانعا 4 ميلليون قاپتاما ءدارى جەتكىزىلدى. ودان بولەك ءاربىر ايماق وزدىگىمەن بۇل جۇمىستى جۇرگىزۋدە»، - دەدى الەكسەي سوي.