19:03, 21 - شىلدە 2020 | GMT +5
كوروناۆيرۋستان بالالار اراسىندا ءولىم- ءجىتىم بولعان جوق - دەنساۋلىق مينيسترلىگى
نۇر- سۇلتان. قازاقپارات - كوروناۆيرۋس جۇقتىرعان جۇزدەن استام بالا اۋرۋحانادا ەمدەلىپ جاتىر. بۇل تۋرالى دەنساۋلىق ساقتاۋ ۆيتسە- ءمينيسترى اجار عينيات ايتتى، دەپ حابارلايدى قازاقپارات ءتىلشىسى.
«قازىرگى تاڭدا رەسپۋبليكا بويىنشا كوروناۆيرۋس جۇقتىرعانى راستالعان 73,4 مىڭنان استى. 61,8 پايىزى ەمدەلىپ شىعىپ وتىر. پنيەۆمونيامەن اۋىرىپ جاتقان ادامداردىڭ سانى اۋرۋحانالاردا 8 مىڭعا جۋىق. وسى 8 مىڭ ناۋقاستىڭ ىشىندە مامىر ايىنان باستاپ 1 مىڭنان استام بالا اۋىردى. قازىر جۇزدەن استام بالا ەمحانادا ەم الۋدا. بالالار كوروناۆيرۋس ينفەكتسياسىنىڭ وتە جەڭىل تۇرىمەن اۋىرىپ جاتىر. بالالار اراسىندا وسى ينفەكتسيادان ەشقانداي ءولىم- ءجىتىم تىركەلگەن جوق»، - دەدى اجار عينيات و ك ق- دا وتكەن باسپا ءسوز ءماسليحاتىندا.
ەسكە سالا كەتسەك بۇعان دەيىن دەنساۋلىق ساقتاۋ ءمينيسترى الەكسەي سوي قازاقستاندا كوروناۆيرۋستان 59 مەديتسينالىق قىزمەتكەر كوز جۇمعانىن حابارلاعان بولاتىن.
