قازاقستاندا كوروناۆيرۋستى قايتا جۇقتىرۋ جاعدايى تىركەلگەن جوق

نۇر- سۇلتان. قازاقپارات - الەمدىك عالىمدار كوروناۆيرۋسپەن اۋىرىپ، جازىلىپ شىققان ادامنىڭ بويىندا يممۋنيتەت قانشالىقتى ۇزاققا شىدايتىنىن بىلمەيدى.

بۇل تۋرالى دەنساۋلىق ساقتاۋ ۆيتسە- ءمينيسترى اجار عينيات ايتتى، دەپ حابارلايدى قازاقپارات ءتىلشىسى.

ۆيتسە- ءمينيستردىڭ ايتۋىنشا قازاقستاندا قازىرگى تاڭدا كوروناۆيرۋستى قايتا جۇقتىرۋ جاعدايى تىركەلمەگەن.

«ادامدار كوروناۆيرۋستىڭ اۋىر تۇرىمەن اۋىرىپ، قايتادان اناليز تاپسىرعان كەزدە تەستتىڭ تەرىس ناتيجە كورسەتكەنى، سودان ءبىرشاما ۋاقىتتان كەيىن قايتادان تەست وڭ ناتيجە كورسەتكەن جاعدايى تىركەلگەن. الايدا مۇنداي جاعدايدا ءبىزدىڭ ماماندار باستاپقى ۆيرۋستىڭ اعزادان تولىق كەتپەۋى دەپ ءتۇسىندىردى. اناليز كلينيكالىق بەلگىسى بولماعان سيپاتتا وڭ ناتيجە كورسەتەدى. سول سەبەپتى بۇل - قايتادان جۇقتىرۋ جاعدايى رەتىندە ەسەپتەلمەيدى. قازاقستاندا قازىرگى تاڭدا كوروناۆيرۋستى قايتا جۇقتىرۋ جاعدايى تىركەلگەن جوق»، - دەدى اجار عينيات و ك ق- دا وتكەن باسپا ءسوز ءماسليحاتىندا.

ۆيتسە- مينيستر بۇكىل الەمنىڭ عالىمدارى اۋىرىپ بولعان ادامنىڭ بويىنداعى يممۋنيتەتتىڭ قانشالىقتى شىدايتىنىن زەرتتەپ جاتىر.

«ۋاقىتشا، ياعني 6 اپتالىق يممۋنيتەتتىڭ قالىپتاساتىنى جايلى مالىمەت بار. الايدا بۇل رەتتە دە ناقتى جاۋاپ جوق. سەبەبى بۇل اۋرۋدىڭ ءوتۋ اعىمىنا بايلانىستى. ادام قانداي جاعدايدا اۋرۋعا قارسى تۇراتىندىعى تۋرالى عالىمداردا ناقتى ءبىر ورتاق تۇجىرىم جوق»، - دەدى اجار عينيات.