قازاقستاندا كوروناۆيرۋستى ەمدەۋ حاتتاماسىنا وزگەرىستەر ەنگىزىلدى

نۇر- سۇلتان. قازاقپارات - دەنساۋلىق ساقتاۋ ۆيتسە- ءمينيسترى اجار عينيات قازاقستاندا ناۋقاستاردى كوروناۆيرۋستان ەمدەۋ حاتتاماسىنا وزگەرىستەر ەنگىزىلگەنىن ءمالىم ەتتى، دەپ حابارلايدى قازاقپارات ءتىلشىسى.

«ەمدەۋدىڭ جاڭا ءارى ءتيىمى ادىستەرىن بۇكىل الەم ىزدەستىرىپ جاتىر. جالپى بۇل ۆيرۋسقا قارسى ەتيوتروپتى ەمدەۋ ءادىسى جوق ەكەندىگىن بىلەسىزدەر. سول سەبەپتى ءبىزدىڭ قازاقستاندىق عالىمدار بۇكىل حالىقارالىق تاجىريبەنى زەرتتەپ، ۇزدىك ادىسكەرلەر حاتتامالاردى بارىنشا جاڭارتىپ، جاقسارتىپ جاتىر. 15 - شىلدەدە ساپا بويىنشا بىرلەسكەن كوميسسيا جەتەكشى ماماندارمەن بىرلەسە وتىرىپ، كوروناۆيرۋستان ينفەكتسياسىنان ەمدەۋ حاتتاماسىنىڭ 10-رەداكتسياسىنا وزگەرىستەر مەن تولىقتىرۋلاردى ەنگىزدى»، - دەدى اجار عينيات و ك ق- دا وتكەن باسپا ءسوز ءماسليحاتىندا.

ۆيتسە- مينيستر ايتىپ وتكەندەي، ەڭ ءبىرىنشى كەزەكتە ەمدەۋ حاتتاماسىنان «لوپيناۆير» مەن «گيدروكسيحلوروحين» الىنىپ تاستالعان. د د س ۇ كەڭەسى بويىنشا بۇل پرەپاراتتار ءتيىمسىز دەپ تانىلعان. سول سەبەپتى كوميسسيالىق تۇرعىدا ۆيرۋسقا قارسى وسى پرەپاراتتاردى الىپ تاستاۋ تۋرالى شەشىم قابىلدادى.

«بۇگىنگى كۇنى رەمدەسيەۆير مەن فاۆيپيراۆير ك ۆ ي- دان اۋىر ءتۇرىن ەمدەۋگە ءتيىمدى دەگەن مالىمەت بار. سوندىقتان كلينيكالىق زەرتتەۋ مەن ك ۆ ي- دىڭ اۋىر ءتۇرى كەزدەسكەن جاعدايدا ۆيرۋسقا قارسى پرەپارات رەتىندە قولدانۋ ءۇشىن كلينيكالىق حاتتاماعا ەنگىزىلدى. سونىمەن بىرگە العاش رەت ەمدەۋدىڭ امبۋلاتوريالىق كەزەڭدەرى ەنگىزىلدى. امبۋلاتوريالىق دەڭگەيدە ىستىق تۇسىرەتىن پرەپاراتتار مەن پەرورال انتيكواگۋليانتتار ەنگىزىلدى»، - دەدى ول. بۇل پرەپاراتتار ەمحانا دەڭگەيىندە تەگىن بەرىلۋى كەرەك.