كوروناۆيرۋس جۇقتىرۋ كورسەتكىشىنىڭ تۇراقتالۋ تەندەنتسياسى بايقالادى - الەكسەي تسوي
«سوڭعى اپتادا COVID-19 اۋرۋىن جۇقتىرۋ جانە ودان كەلەتىن ءولىم-ءجىتىم كورسەتكىشىنىڭ تۇراقتالۋ تەندەنتسياسى بايقالادى. جۇقتىرۋ جاعدايى تاۋلىگىنە شامامەن 1500-1600 ادامدى قۇراپ وتىر. پاتسيەنتتەرگە ۇيىندە كومەك كورسەتۋ ماقساتىندا العاشقى مەديتسينالىق-سانيتارلىق كومەك بەرەتىن 2962 ءموبيلدى بريگادا قۇرىلدى. وسى ايدىڭ سوڭىنا دەيىن مۇنداي بريگادالاردىڭ سانى 3,5 مىڭعا دەيىن جەتكىزىلەدى. ەمحانالارداعى كولل-ورتالىقتاردىڭ سانى 16 پايىزعا ارتتى. ونىڭ جۇمىسىنا بىلىكتى كەڭەسشى دارىگەرلەر، فەلدشەرلەر مەن مەديتسينالىق ج و و ستۋدەنتتەرى تارتىلدى.
قازىرگى تاڭدا ينفەكتسيالىق جانە پروۆيزورلىق ستاتسيونارلاردا وكپەنى جاساندى جەلدەتەتىن 1958 اپپارات بار. اكىمدىكتەرمەن بىرگە قوسىمشا 4183 اپپاراتى ساتىلىپ الىنۋدا. ونىڭ 3105 ءى وتاندىق تاۋار وندىرۋشىلەردەن الىنادى. سونىمەن بىرگە، 20 مىڭعا تارتا توسەك-ورىن وتتەگىگە قوسىلادى. ونىڭ ىشىندە 17762 توسەك-ورىن وتتەگى كونتسەنتراتىمەن قامتىلادى. 6237 ءى دەمەۋشىلەردىڭ كومەگىمەن قوسىلعالى وتىر»، - دەدى الەكسەي تسوي ۇكىمەت وتىرىسىندا.
ءمينيستردىڭ ايتۋىنا قاراعاندا، مەملەكەتتىك جانە جەكە زەرتحانا تەستىلەۋ جۇمىسىنا بەلسەندى تۇردە تارتىلىپ، ولاردىڭ تاۋلىكتىك وتكىزۋ قۋاتى 32 مىڭعا جەتكەن. سونداي-اق ءبىر رەتتىك ماسكانىڭ باعاسى 28 پايىزعا ارزانداعان.
