الماتى وبلىسىنداعى قورىقتا براكونەر ەلىك اتقان
الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، تابيعاتتى قورعاۋ پوليتسياسىنىڭ ينسپەكتورلارى تالعار اۋدانىنىڭ مەملەكەتتىك قورىعىنىڭ اۋماعىندا كەزەكتى رەيدتىك ءىس-شارا وتكىزۋ بارىسىندا الماتى قالاسىنىڭ تۇرعىنىن ۇستادى.
براكونەر اتىپ العان ەلىكتى بىرنەشە بولىككە ءبولىپ ۇلگەرگەن. ودان ءتۇز جانۋارىنىڭ ەتى مەن مىلتىق تاركىلەندى. پوليتسيا قىزمەتكەرلەرى كۇدىكتى 1977-جىلعى الماتىلىقتا اتىس قارۋىن الىپ جۇرۋگە، ساقتاۋعا جانە پايدالانۋعا ەشقانداي قۇجاتتاردىڭ جوقتىعىن انىقتادى.
ءتارتىپ ساقشىلارى پروتسەسسۋالدىق ارەكەتكە كىرىسىپ، زاڭسىز اڭ اۋلاۋ دەرەگىن سوتقا دەيىنگى تەرگەۋدىڭ ءبىرىڭعاي تىزىلىمىنە تىركەپ، كۇدىكتىنى پوليتسيا بولىمىنە تەكسەرۋ ءۇشىن جەتكىزدى.
ق ر ق ك 337-بابى 4-بولىگى بويىنشا سوتقا دەيىنگى تەرگەۋ امالدارى جۇرگىزىلۋدە.
