الماتىدا جەرلەۋ باعاسىن كوتەرگەن زيرات قىزمەتكەرلەرى ۇستالدى

الماتى. قازاقپارات - الماتى پوليتسياسى جەرلەۋ باعاسىن كوتەرگەن زيرات قىزمەتكەرلەرىن ۇستادى، دەپ حابارلايدى قازاقپارات ءتىلشىسى.

قالالىق پ د باسپا ءسوز قىزمەتى حابارلاعانداي، الماتىدا 8 ادام زيرات قىزمەتكەرلەرىنىڭ زاڭسىز ارەكەتىنە شاعىمدانعان.

ولاردىڭ ايتۋىنشا، زيرات قىزمەتكەرلەرى بەكىتىلگەن سومادان بولەك تاعى 70-80 مىڭ تەڭگە ۇستەمە تولەۋگە ماجبۇرلەگەن. ولار قايتىس بولعان ادامداردىڭ تۋىستارىنان كومۋ اقىسىنان بولەك قوسىمشا اقشا بوپسالاعان. بۇل قوسىمشا اقىعا چەك بەرىلمەگەن.

زيرات قىزمەتكەرلەرى اقشانى زاڭسىز يەمدەنگەن. جاقىنىنان ايىرىلىپ قايعى جۇتقان ادامدارعا مورالدىق، ماتەريالدىق شىعىن كەلتىرىلدى.

ق ر پرەزيدەنتى مەن ق ر ءى ءى م باسشىسىنىڭ تاپسىرماسىن ورىنداۋ ماقساتىندا جەدەل تەرگەۋ توبى قۇرىلدى.

كەشەندى تەكسەرۋ جۇمىستارىنىڭ ناتيجەسىندە ەكى ادام ۇستالدى. قازىرگى تاڭدا جابىرلەنۋشىلەر مەن كۇدىكتىلەردىڭ قاتىسۋىمەن تەرگەۋ جۇمىستارى ءجۇرىپ جاتىر. پوليتسيا باسقا دا زيراتتارعا تەكسەرۋ جۇرگىزبەك.