تامىزدان باستاپ اۆتوبۋستارعا ەلەكتروندى بيلەت ەنگىزىلەدى
قالا اۋماعىنداعى قوعامدىق كولىكتەردە جول ءجۇرۋ ءۇشىن ەلەكتروندىق كارتا ارقىلى تولەۋ كەزىندە جول اقىسى بارلىق جولاۋشىلار ءۇشىن 65 تەڭگە، مەكتەپ وقۋشىلارىنا (1-11- سىنىپ) - 30 تەڭگە.
ال، ەلەكتروندىق كارتاسى جوق ازاماتتار جول اقىسىن قولما-قول اقشامەن تولەيتىن بولسا، جول ءجۇرۋ قۇنى بارلىق جولاۋشىلار ءۇشىن 130 تەڭگە، مەكتەپ وقۋشىلارىنا (1-11-سىنىپ) 65 تەڭگە مولشەرىندە بولماق.
بۇل تۋرالى تاراز قالاسىنىڭ اكىمدىگى حابارلادى.
«SAPARCARD» ەلەكتروندىق جول ءجۇرۋ تولەم كارتالارىن 2020-جىلدىڭ 27- شىلدەسىنەن باستاپ قالاداعى بىرنەشە نۇكتەدەن ساتىپ الۋعا بولادى. ەلەكتروندىق جول ءجۇرۋ تولەم كارتاسىنىڭ قۇنى بارلىق جولاۋشىلار ءۇشىن 500 تەڭگە بولماق.
ايتا كەتۋ كەرەك، كارتالاردىڭ جارامدىلىق مەرزىمى شەكتەلمەگەن. سونداي-اق، وقۋشىلارعا اتى- ءجونى، ج س ن، فوتوسۋرەتى بار پەرسونالدى كارتالار دايىندالادى»، دەلىنگەن قالا اكىمدىگىنىڭ حابارلاماسىندا.
