كوروناۆيرۋس تۇزدى سۋدا ولەدى دەگەن جالعان اقپارات - ينفەكتسيونيست

الماتى. قازاقپارات - الماتىدا وتكەن ونلاين بريفينگ بارىسىندا ينفەكتسيونيست دارىگەر تامارا ۋتاعانوۆا كوروناۆيرۋستەن ەمدەۋ تۋرالى ەل اراسىنداعى الىپ قاشپا سوزدەرگە تۇسىنىك بەردى، دەپ حابارلايدى قازاقپارات ءتىلشىسى.

«كوروناۆيرۋس تۇزدى سۋدا ولەدى دەگەن كوپ ايتىلىپ ءجۇر. ول جالعان اقپارات. بۇل ۆيرۋس تەك انتيسەپتيك پەن دەزينفەكتسيالىق قۇرالداردىڭ بارلىعىنان ولەدى. قازىر قازاقستاننىڭ وزىندە ەمدەۋ حاتتاماسىنىڭ 11 رەداكتسياسىمەن ەمدەپ جاتىرمىز. ەمدەۋ حاتتاماسى بۇكىل الەم بويىنشا جينالعان تاجىريبە، ۇيرەنگەن ماشىقتار، دارىلەردىڭ قولدانۋ تاجىريبەسى، دياگنوستيكالىق قۇرالداردى قولدانۋ تاجىريبەسى جيناقتالعاندا وزگەرىپ وتىرادى. قازىر قازاقستانداۆيرۋسقا قارسى تەراپيا قايتا قارالعانى راس. بۇرىن د د ۇ ۇسىنعان «گيدروكسليوحلوروحين»، «لاپينوۆير» پرەپاراتتارىنا قازىر تىيىم سالىنعان. ونىڭ ورنىنا «رەمدەسيۆير»، «فاۆيپيروۆير» پرەپاراتتارى قوسىلدى»، - دەدى ت. ۋتاعانوۆا.

ەسكە سالساق، بۇعان دەيىن كوروناۆيرۋستى ەمدەيدى دەگەن جەلەۋمەن كوبەيتۇز كولى تۇزىنىڭ كەلىسى الەۋمەتتىك جەلىدە 5 مىڭ تەڭگەدەن ساتىلىپ جاتقانى تۋرالى حابارلاعان بولاتىنبىز.