18:05, 20 - شىلدە 2020 | GMT +5
تۇلكىباستا شايحانا يەسى سيرەك كەزدەسەتىن جىرتقىش قۇستاردى زاڭسىز اسىراعان
تۇلكىباس. قازاقپارات - تۇركىستان وبلىسىنىڭ پوليتسەيلەرى شايحانا يەسىنەن جىرتقىش قۇستاردى تاركىلەدى، دەپ حابارلايدى قازاقپارات.
تۇلكىباس ا پ ب كەزەكشى بولىمىنە تابيعاتتى قورعاۋ پوليتسياسىنىڭ ينسپەكتورى، پوليتسيا مايورى ن. مۇزدىبايەۆتان ازاتتىق كەنتىندەگى شايحانادان سيرەك كەزدەسەتىن جىرتقىش قۇستارعا ۇقساس بىرنەشە قۇس تابىلعانى تۋرالى حابارلاما كەلىپ ءتۇستى. وقيعا ورنىنا كەلگەن تۇلكىباس اۋداندىق پوليتسيا قىزمەتكەرلەرى ءشايحانانىڭ يەسى 6 قۇستى عيماراتتىڭ اۋلاسىندا زاڭسىز توردا ۇستاعانىن انىقتادى. ايعاق رەتىندە الىنعان 6 قۇس ساراپتاماعا جىبەرىلدى.
ناتيجەسىندە بۇل قۇستار كەزقۇيرىق جانە جاعالتاي ەكەندىگى انىقتالدى. اتالعان جايت ق ر ا ق ب ت ك 389-بابى بويىنشا تىركەلىپ، اكىمشىلىك حاتتاما تولتىرىلدى. جيناقتالعان ءىس قۇجاتتارى شەشىم شىعارۋ ءۇشىن سوتقا جولدانادى.
