ەلوردادا بالاباقشالاردىڭ جۇمىسى قاشان جاندانادى
نۇر-سۇلتان. قازاقپارات - نۇر-سۇلتان ءبىلىم باسقارماسىنىڭ باسشىسى شولپان قادىروۆا ەلوردادا مەكتەپكە دەيىنگى ءبىلىم مەكەمەلەرىنىڭ جۇمىسى قاشان جانداناتىنىن ايتىپ بەردى، دەپ حابارلايدى قازاقپارات ءتىلشىسى.
«باس سانيتار دارىگەردىڭ قاۋلىسىمەن مەكتەپكە دەيىنگى ءبىلىم ۇيىمدارىنىڭ جۇمىسىنا شەكتەۋ قويىلعان بولاتىن. بۇل رەتتە كەزەكشى توپتاردىڭ جۇمىس رەجيمى ەلدەگى سانيتارلىق- ەپيدەميولوگيالىق احۋالعا بايلانىستى بولادى. ياعني، جۇمىس رەجيمى نۇر- سۇلتان قالاسىنىڭ باس سانيتار دارىگەرىنىڭ قاۋلىسىمەن ايقىندالادى. اتا- انالارعا مەكتەپكە دەيىنگى ءبىلىم مەكەمەلەرىنىڭ جۇمىسىنداعى وزگەرىستەر تۋرالى قوسىمشا حابارلايمىز»، - دەدى شولپان قادىروۆا قالا اكىمدىگىنىڭ Facebook پاراقشاسىندا وتكەن باسپا ءسوز ءماسليحاتىندا.
ەسكە سالا كەتسەك، بۇعان دەيىن باسقارما باسشىسى ەلوردادا جاڭا وقۋ جىلىندا 202 مىڭ وقۋشى قاشىقتان وقيتىنىن حابارلاعان ەدى.
«2020-2021 وقۋ جىلىندا ەلوردا بويىنشا 202 مىڭ مەكتەپ وقۋشىسى بولادى دەپ كۇتىلۋدە. (وتكەن جىلى - 182 279). ءبىرىنشى سىنىپقا 27 مىڭنان استام وقۋشىنى قابىلداۋ جوسپارلانىپ وتىر. بۇگىنگە دەيىن 12453 ءوتىنىش بەرىلدى. قۇجات قابىلداۋ ەلەكتروندى ۇكىمەت Egov.kz پورتالى ارقىلى جانە قاعاز تۇرىندە مەكتەپتەردە جۇرگىزىلىپ جاتىر»، - دەدى شولپان قادىروۆا.
