سينوپتيكتەر قازاقستاندا كۇزدە اۋا رايى قانداي بولاتىنىن ايتتى

نۇر-سۇلتان. قازاقپارات - «قازگيدرومەت» سينوپتيكتەرى قازاقستاندا كۇزدە اۋا رايى قانداي بولاتىنىن ايتتى.

سينوپتيكتەردىڭ بولجامى بويىنشا، بيىلعى كۇزدە ەلدىڭ باسىم بولىگىندە جىلى بولادى.

قىركۇيەكتە قازاقستاننىڭ باسىم بولىگىندە جاۋىن- شاشىن نورمادان از بولادى، ال سولتۇستىك، باتىستىڭ كەي جەرىندە، شىعىستا جانە وڭتۇستىك- شىعىستا جاڭبىر نورمادان اسپايدى.

قازاندا ەلدىڭ سولتۇستىك- باتىس بولىگىندە ادەتتەگىدەن كوپ جاۋىن- شاشىن ءتۇسۋى مۇمكىن. وڭتۇستىك- شىعىس جارتىسىندا - نورماعا جۋىق، رەسپۋبليكانىڭ سولتۇستىك، ورتالىق، وڭتۇستىك- باتىس ايماقتارىنىڭ باسىم بولىگىندە، وڭتۇستىك پەن سولتۇستىك- باتىستىڭ كەي جەرلەرىندە نورمادان تومەن بولادى.

ەسكە سالايىق، بۇعان دەيىن كۇزدە كوروناۆيرۋستان ەكىنشى تولقىنى بولۋى مۇمكىن ەكەنى حابارلانعان بولاتىن.