ەلوردادا كارانتين مەرزىمى ۇزارتىلدى: ءبىرقاتار نىساننىڭ جۇمىس ۋاقىتى وزگەردى

نۇر-سۇلتان. قازاقپارات - ەلوردادا كارانتين مەرزىمى ۇزارتىلىپ، ءبىرقاتار نىساننىڭ جۇمىس ۋاقىتى وزگەردى، دەپ حابارلايدى قازاقپارات.

«قالا تۇرعىندارى اراسىندا كوروناۆيرۋس ينفەكتسياسىمەن اۋىراتىندار سانىنىڭ وسۋىنە بايلانىستى نۇر-سۇلتان قالاسىندا 19- شىلدەدە ساعات 00.00 دەن باستاپ 2- تامىزدا ساعات 00.00 گە دەيىن قاتاڭ شەكتەۋ كارانتيندىك شارالارى ۇزارتىلسىن»، دەلىنگەن ەلوردانىڭ باس مەملەكەتتىك سانيتارلىق دارىگەرى ج. پىراليەۆانىڭ قاۋلىسىندا.

19- شىلدەدەن باستاپ 2- تامىزعا دەيىن قالادا ءبىرقاتار نىساننىڭ جۇمىس ۋاقىتى وزگەرەدى: دەمالىس كۇنى (دالادا) وتكىزىلەتىن اۋىل شارۋاشىلىعى جارمەڭكەسى مەن ازىق-تۇلىك جارمەڭكەسىنىڭ جۇمىسى ساعات 9.00 دەن 17.00 گە دەيىن؛

تاماق ونىمدەرىن ساتاتىن ازىق-تۇلىك دۇكەندەرىنىڭ (شاعىن ماركەت، سۋپەرماركەت، گيپەرماركەت) جۇمىسى ساعات 9.00 دەن 21.00 گە دەيىن؛

تۇرعىن ۇيلەردە ورنالاسقان تاماق ونىمدەرىن ساتاتىن دۇكەندەر جۇمىس جانە دەمالىس كۇندەرى ساعات 9.00 دەن 22.00 گە دەيىن؛

جۇمىس كۇندەرى ساعات 9.00 دەن 17.00 گە دەيىن، مەرەكە جانە دەمالىس كۇندەرى جۇمىس ىستەۋگە تىيىم سالىنعانىن بەلگىلەي وتىرىپ، بيزنەس-ورتالىقتاردىڭ (ساقتاندىرۋ كومپانيالارى، ادۆوكاتتىڭ، نوتاريۋستىڭ، بۋحگالتەر مەن كونسالتينگتىڭ، جىلجىمايتىن مۇلىك جونىندەگى اگەنتتىكتىڭ، جارناما اگەنتتىكتەرىنىڭ، سوت ورىنداۋشىلارىنىڭ جانە ت. ب. قىزمەتتەرى)، ەكىنشى دەڭگەيدەگى بانكتەردىڭ، اقشا ايىرباستاۋ پۋنكتەرىنىڭ، لومباردتاردىڭ، بۋكمەكەر كەڭسەلەرىنىڭ جۇمىسىن ۇيىمداستىرۋعا؛

اۆتوجۋۋ، اۆتو جانە تۇرمىستىق تەحنيكانى جوندەۋ قىزمەتتەرىنىڭ جۇمىس جانە دەمالىس كۇندەرى جۇمىس كەستەسى ساعات 9.00 دەن 20.00 گە دەيىن؛

كوشەدەگى ازىق-تۇلىكتىڭ رۇقسات ەتىلگەن تۇرلەرى (ونىڭ ىشىندە تەز دايىندالاتىن تاماق ونىمدەرىن، كوكونىس دۇكەندەرىن، بالمۇزداق، كوفە جانە ت. ب.) ساۋداسىنىڭ جۇمىسىن ۇيىمداستىرۋعا جۇمىس جانە دەمالىس كۇندەرى جۇمىس كەستەسىن ساعات 10.00 دەن 21.00 گە دەيىن؛

ورىن سانى 30 عا دەيىن بولاتىن قوعامدىق تاماقتانۋ نىساندارىنىڭ (كافەلەر، مەيرامحانالار) تەك قانا اشىق اۋادا جۇمىس جانە دەمالىس كۇندەرى ساعات 10.00 دەن 22.00 گە دەيىن؛

گۇل ساتاتىن دۇكەندەر جۇمىس جانە دەمالىس كۇندەرى ساعات 9.00 دەن 21.00 گە دەيىن؛

س و س و- داعى ءدارىحانالار مەن شاعىن ماركەت، سۋپەرماركەت، گيپەرماركەتتەرگە جۇمىس جانە دەمالىس كۇندەرى ساعات 10.00 دەن 21.00 گە دەيىن جۇمىس ىستەۋگە رۇقسات بەرىلەدى.