ءۇرىمجى قالاسىنىڭ بارلىق اۋداندارى كوروناۆيرۋس سالدارىنان «اسكەري ۋاقىت رەجيمىنە» اۋىستى

بەيجىڭ. قازاقپارات - شىڭجاڭ-ۇيعىر اۆتونوميالى ايماعىنىڭ (ش ۇ ا ا) بيلىگى كوروناۆيرۋستىڭ قايتا ءورشۋى سالدارىنان وتكەن سەنبى كۇنى اۆتونومدىق ايماقتىڭ ورتالىعى ءۇرىمجى قالاسىنىڭ بارلىق اۋداندارىندا «اسكەري ۋاقىت رەجيمىن» ەنگىزدى، دەپ حابارلايدى قازاقپارات جەرگىلىكتى ب ا ق- قا سىلتەمە جاساپ.

«(2020-جىلدىڭ 18- شىلدەسىندەگى ساعات 24:00 دەگى جاعداي بويىنشا) شىنجاڭ-ۇيعىر اۆتونوميالى اۋدانىندا (شىنجاڭداعى وندىرىستىك-قۇرىلىس كورپۋسىن ەسەپكە العاندا) كوروناۆيرۋس جۇقتىرۋدىڭ جاڭا 13 وقيعاسى مەن اۋرۋ بەلگىلەرى جوق 18 ادام انىقتالعان. بارلىق وقيعالار ءۇرىمجى قالاسىندا تىركەلگەن»، - دەلىنگەن ق ح ر ش ۇ ا ا دەنساۋلىق ساقتاۋ ىستەرى جونىندەگى كوميتەتتىڭ مالىمدەمەسىندە.

«قازىرگى كەزدە ءۇرىمجى قالاسى «كوروناۆيرۋستىڭ قايتا ءورشۋى سەبەبىمەن «اسكەري ۋاقىت رەجيمىنە» ءوتتى، قوعامدىق ءىس-شارالاردىڭ بارلىق ءتۇرى توقتاتىلعان، اۋدانداردا قاتاڭ باقىلاۋ جۇرگىزىلۋدە»، - دەلىنگەن «جەنمين جيباو» باسىلىمىنىڭ ميكروبلوگىندا.

ءۇرىمجى تۇرعىندارىنا ەرەكشە قاجەتتىلىك بولماسا قالادان شىعۋعا تىيىم سالىندى. ەگەر مۇنداي قاجەتتىلىك تۋىنداسا، كوروناۆيرۋسقا تەست تاپسىرۋ قاجەت.

ءۇرىمجى قالاسىندا كوروناۆيرۋستىڭ ورشۋىنە بايلانىستى وندا اۋە جانە اۆتوبۋس تاسىمالى قىسقارتىلدى. ق ح ر دەنساۋلىق ساقتاۋ ىستەرى جونىندەگى مەملەكەتتتىك كوميتەتى جالپى سانى 200 ادامنان تۇراتىن 10 مەديتسينالىق بريگادا قۇرىپ، ونى ءۇرىمجى قالاسىندا جەرگىلىكتى تۇرعىنداردى كوروناۆيرۋسقا تەستىلەۋگە كومەك كورسەتۋ ءۇشىن جىبەرمەك.

جالپى العاندا، جەكسەنبى كۇنگى مالىمەتتەر بويىنشا، شىنجاڭدا كوروناۆيرۋستىڭ جاڭا ءورشۋى كەزىنەن بەرى اۆتونوميالى اۋداندا ۆيرۋستى جۇقتىرۋدىڭ 30 راستالعان وقيعاسى جانە اۋرۋ بەلگىلەرىنسىز جۇرگەن 41 ادام تىركەلگەن. 2,7 مىڭنان استام ادام مەديتسينالىق باقىلاۋدا.

ەسكە سالا كەتسەك، شىنجاڭدا جاڭا كوروناۆيرۋستىڭ ورشۋىنە دەيىن اۆتونوميالىق ايماقتا COVID-19 ۆيرۋسىنىڭ جاڭا وقيعالارى 149 كۇن تىركەلمەگەن ەدى.