اقتوبەدە ۆيرۋسقا قارسى ءدارى شىعارىلا باستادى

اقتوبەدەگى كاسىپورىن 6 ميلليون تۇيىرشىك جانە كاپسۋلا تۇرىندەگى ءدارى شىعارىپ، جىلىنا 75 تونناعا دەيىن ءشاربات وندىرە الادى.

مەملەكەت باسشىسىنىڭ ءدارى-دارمەكپەن قامتاماسىز ەتۋ تاپسىرماسىن ورىنداۋ ماقساتىندا ۆيرۋسقا قارسى «گريپپوۆير» پرەپاراتىن ءوندىرۋ ءۇشىن شيكىزات ساتىپ الۋعا كومپانياعا 75 ميلليون تەڭگە قارجى ءبولىندى.

پرەپاراتتىڭ ءوندىرىسى بارلىق حالىقارالىق ستاندارتقا سايكەس كەلەدى. باعاسى نارىقتاعى ۇسىنىلعان انالوگتاردان %42 ارزان بولادى. مۇندا اپتاسىنا 5 مىڭ، ال اسا قاجەت بولسا 15 مىڭ ءدارى شىعارۋ جوسپاردا بار.

«جەرگىلىكتى تاۋار ءوندىرۋشىنى قولداپ، قارجى ءبولىندى. ناتيجەسىندە «گريپپوۆير» ءدارىسى 1500 تەڭگەگە شىعارىلۋدا. وسىلاي ءوندىرىس كولەمىن وسىرۋگە بولادى. ءدارى ءتۇرىن كوبەيتىپ، باعاسىن تومەندەتۋگە مۇمكىندىك بار»، - دەدى «اتامەكەن» وڭىرلىك كاسىپكەرلەر پالاتاسىنىڭ ديرەكتورى انار دارجانوۆا.