اپتاپ ىستىق، كۇشتى جەل، جاڭبىر - سەنبىگە ارنالعان اۋا رايى

«18 - شىلدەدە ەلىمىزدىڭ باسىم بولىگىندە اتموسفەرالىق اعىن بولىكتەرىنىڭ ىقپالىنان نايزاعاي ويناپ، جاڭبىر جاۋادى، سولتۇستىك- باتىستا جانە ورتالىقتا بۇرشاق جاۋۋى ىقتيمال. تەك ەلىمىزدىڭ وڭتۇستىگىندە جانە شىعىسىندا جاۋىن-شاشىنسىز بولادى. كەي جەرلەردە جەل كۇشەيىپ، وڭتۇستىك-شىعىستا شاڭدى داۋىل سوعۋى مۇمكىن»، دەلىنگەن حابارلامادا.

تاۋلىك بويى اتىراۋ، باتىس قازاقستان، پاۆلودار، شىعىس قازاقستان وبلىستارىنىڭ باسىم بولىگىندە، تاڭەرتەڭ جانە كۇندىز جامبىل، قوستاناي، كۇندىز اقمولا، الماتى، اقتوبە، سولتۇستىك قازاقستان وبلىستارىنىڭ كەي جەرلەرىندە جەل 15-22 م/س كۇشەيەدى.

الماتى وبلىسىندا شاڭدى داۋىل سوعادى. قوستاناي وبلىسىنىڭ كەي جەرلەرىندە بۇرشاق جاۋى مۇمكىن.

قاراعاندى وبلىسىنىڭ كەي جەرلەرىندە جەل 15-20 م/س كۇشەيىپ، ەكپىنى 23-28 م/س جەتەدى، داۋىل سوعۋى جانە بۇرشاق جاۋۋى ىقتيمال.

كۇندىز الماتى، جامبىل، تۇركىستان، قىزىلوردا، قوستاناي، سولتۇستىك قازاقستان، اقمولا، پاۆلودار، قاراعاندى وبلىستارىندا، شىعىس قازاقستان وبلىسىنىڭ وڭتۇستىگىندە قاتتى ىستىق بولۋى مۇمكىن.

اتىراۋ، اقتوبە، ماڭعىستاۋ، باتىس قازاقستان وبلىستارىندا وتە قاتتى ىستىق بولۋى ىقتيمال.

اتىراۋ، اقتوبە وبلىستارىندا، قىزىلوردا، باتىس قازاقستان وبلىستارىنىڭ باسىم بولىگىندە، قاراعاندى، جامبىل، تۇركىستان وبلىستارىنىڭ كەي جەرلەرىندە، الماتى وبلىسىنىڭ باتىسىندا جوعارى ءورت قاۋىپى بار.