د د س ۇ وكىلى قازاقستانعا العىس ايتتى
نۇر- سۇلتان. قازاقپارات - دۇنيەجۇزىلىك دەنساۋلىق ساقتاۋ ۇيىمىنىڭ ەۋروپالىق ايماقتىق بيۋروسىنىڭ ديرەكتورى حانس كليۋگە رەفەرەنس- زەرتحانالارىندا تەستىلەۋ جۇرگىزۋ مۇمكىندىگى ءۇشىن قازاقستاننىڭ پرەزيدەنتى مەن ۇكىمەتىنە العىسىن ءبىلدىردى، دەپ حابارلايدى قازاقپارات.
«مەن قازاقستاننىڭ ۇكىمەتىنە، پرەزيدەنت توقايەۆ پەن دەنساۋلىق ساقتاۋ مينيسترلىگىنە COVID-19 ىقتيمال جاعدايلارىنا قاتىستى ددسۇ رەفەرەنس- زەرتحانالارىندا تەستىلەۋ جۇرگىزۋگە كەلىسىم بەرگەنى ءۇشىن العىسىمدى ايتامىن»، - دەپ جازدى حانس كليۋگە Twitter پاراقشاسىندا .
ايتا كەتسەك بۇعان دەيىن مەملەكەت باسشىسى قاسىم- جومارت توقايەۆ ۇكىمەتتى پاندەميانىڭ ستاتيستيكاسىن بىرىزدەندىرۋدى مىندەتتەگەن بولاتىن. بۇگىن دەنساۋلىق ساقتاۋ ءمينيسترى الەكسەي سوي قازاقستاندا پنيەۆمونيامەن اۋىرعاندار ك ۆ ي جۇقتىرعانداردىڭ ستاتيستيكاسىنا ەنگىزىلەتىنىن جاريالادى. وسىلايشا COVID-19 بويىنشا جاڭا ستاتيستيكا 1 -تامىزدان باستاپ جۇرگىزىلەدى.
