د د س ۇ: بوساڭسۋعا بولمايدى - ۆيرۋس تارالىپ بارادى
نۇر- سۇلتان. قازاقپارات – د د س ۇ ەۋروپالىق بيۋروسىنىڭ توتەنشە جاعدايلار جونىندەگى ايماقتىق ديرەكتورى دوريت نيتتسان ۆيرۋسپەن كۇرەستە ءالى بوساڭسۋعا بولمايتىنىن مالىمدەدى، دەپ حابارلايدى قازاقپارات ءتىلشىسى.
«پاتسيەنتتىڭ COVID-19 اۋرۋىنا نەمەسە باسقا سىرقاتقا شالدىققانىن انىقتاۋدا بۇل ماڭىزدى قادام. قايتا كلاسسيفيكاتسيالاۋ COVID-19 جاعدايلارىنىڭ وسكەنىن كورسەتەدى. قايتا ەسەپتەۋ بارىسىندا ءوسىم كۇرت ارتادى. الايدا بۇل ەلدە COVID-19 جۇقتىرۋ جاعدايى ارتىپ كەتكەنىن بىلدىرمەيدى»، - دەدى دەدى دوريت نيتتسان و ك ق الاڭى ارقىلى ونلاين بايلانىسقا شىعا وتىرىپ.
دوريت نيتتسان ازىرگە جۇمىستى السىرەتپەۋ كەرەكتىگىن اتاپ ءوتتى.
«ۆيرۋس تارالىپ بارادى. توقتاتا الاتىن ءبارىنىڭ دە كومەگى كەرەك. بارلىق دەڭگەيدەگى مەملەكەتتىك قۇرىلىم، مەديتسينا قىزمەتكەرلەرى، ازاماتتىق قوعام - ءبارى كومەكتەسۋى ءتيىس»، - دەدى ول.
ەسكە سالا كەتسەك قازاقستاندا پنيەۆمونيامەن اۋىرعاندار كۆي جۇقتىرعانداردىڭ ستاتيستيكاسىنا ەنگىزىلەتىن بولدى. وسىلايشا COVID-19 بويىنشا جاڭا ستاتيستيكا 1 - تامىزدان باستاپ جۇرگىزىلەدى.
