قۇربان شالۋعا ونلاين تاپسىرىس بەرەتىن سايت اشىلادى - ق م د ب
بۇل جونىندە ءدىني باسقارمانىڭ رەسمي سايتىندا حابارلاندى.
اتالعان سايت ارقىلى ءسىز ەشقايدا بارماي، قۇرباندىق شالۋعا ونلاين تاپسىرىس بەرە الاسىز.
جۇمىستىڭ اتقارىلۋ بارىسى تۋرالى تاپسىرىس بەرۋشىگە ماعلۇمات بەرىلەدى. ەڭ الدىمەن قازىرگى پاندەميا جاعدايىندا ءسىز ەشقانداي بايلانىسقا تۇسپەي، قۇرباندىعىڭىزدى قاشىقتان شالۋعا مۇمكىندىك جاسالماق.
Qurban2020.muftyat.kz دەپ اتالاتىن سايت جاقىن كۇندەرى تولىعىمەن ىسكە قوسىلادى.
ال سايتتى تەحنيكالىق باقىلاۋ ق م د ب- نىڭ «زەكەت» قورىنا تاپسىرىلدى.
جاڭا سايتتىڭ تاعى ءبىر ارتىقشىلىعى - مۇندا قۇرباندىققا شالىناتىن ءتورت تۇلىك باعاسىمەن قوسا كورسەتىلەدى.
سول جەردەن قاجەتتى مالدى تاڭداپ، تاپسىرىس بەرە الاسىز. ال سويىلعان مالدىڭ ەتى تۇگەلدەي قايىرىمدىلىققا، ياعني مۇقتاج جاندارعا ۇلەستىرىلەدى.
