جۇما كۇنگى اۋا رايى

«17 - شىلدەدە ەلىمىزدىڭ باسىم بولىگى ءالى دە انتيتسيكلونىڭ ىقپالىندا بولعاندىقتان، جاۋىن- شاشىنسىز ىستىق اۋا رايى ساقتالادى. تەك ەلىمىزدىڭ باتىسى مەن وڭتۇستىك-شىعىسى اتموسفەرالىق فرونتاردى بولىكتەردىڭ اسەرىنەن كەي جەرلەردە نايزاعاي ويناپ، جاڭبىر جاۋادى، بۇرشاق جاۋۋى ىقتيمال. كەي جەرلەردە جەل كۇشەيىپ، وڭتۇستىك- باتىستا شاڭدى داۋىل سوعۋى ىقتيمال»، دەلىنگەن حابارلامادا.

قىزىلوردا، قاراعاندى، تۇندە اتىراۋ، كۇندىز جامبىل، باتىس قازاقستان، اقمولا، اقتوبە، پاۆلودار وبلىستارىنىڭ كەي جەرلەرىندە جەل 15-23 م/س كۇشەيەدى.

جامبىل، باتىس قازاقستان وبلىستارىنىڭ كەي جەرلەرىندە بۇرشاق جاۋۋى ىقتيمال.

مانعىستاۋ وبلىسىنىڭ كەي جەرلەرىندە شاڭدى داۋىل كۇتىلەدى.

كۇندىز الماتى، جامبىل، تۇركىستان، قىزىلوردا، مانعىستاۋ، باتىس قازاقستان، قوستاناي، سولتۇستىك قازاقستان، اقمولا، پاۆلودار، قاراعاندى وبلىستارىندا، شىعىس قازاقستان وبلىسىنىڭ وڭتۇستىگىندە قاتتى ىستىق كۇتىلەدى، اتىراۋ، اقتوبە وبلىستارىندا قاتتى، كەي جەرلەردە وتە قاتتى اپتاپ ىستىق بولۋى مۇمكىن.

اتىراۋ وبلىسىندا، قىزىلوردا وبلىسىنىڭ باسىم بولىگىندە، باتىس قازاقستان، اقتوبە، قاراعاندى، جامبىل، تۇركىستان وبلىستارىنىڭ كەي جەرلەرىندە، الماتى وبلىسىنىڭ باتىسىندا جوعارى ءورت قاۋىپى ساقتالادى.