ءۇندىستاندا نوسەر جاۋىن جاۋىپ، ونداعان ادام مەرت بولدى، مىڭداعان اۋىل سۋ استىندا قالدى

نوسەر جاۋىننان اسسام شتاتىندا مىڭداعان اۋىلدى سۋ باستى. ءۇي-كۇيسىز قالعان ادامداردى باسپانامەن قامتاماسىز ەتۋ ءۇشىن جۇزدەگەن لاگەر اشىلدى. شتات بيلىگى 60000 نان استام ادامدى ۋاقىتشا باسپانامەن قامتاماسىز ەتۋ ءۇشىن 20 اۋداندا 480 كومەك لاگەرىن ۇيىمداستىردى. شتاتتىڭ كەيبىر بولىكتەرىندەگى جولداردى، ۇيلەر مەن عيماراتتاردى تولىعىمەن سۋ باسقان.

ايماقتاعى مۋسسون ماۋسىمىنداعى جاۋىن-شاشىن - ادەتتەگى قۇبىلىس. مىسالى، وتكەن جىلى تابيعي اپات سالدارىنان شتاتتىڭ ميلليونداعان تۇرعىندارى، سونداي-اق ولاردىڭ نەپال مەن بانگلادەشتەگى كورشىلەرى زارداپ شەكتى.

2019-جىلى ءۇندىستاننىڭ اسسام جانە بيحارا شتاتتارىندا مۋسسون ماۋسىمىندا سۋ تاسقىنى سالدارىنان 100 گە جۋىق ادام قازا تاپتى. ءبىراق بيىلعى جىلى، ءۇندىستان اپاتتان باسقا اسا قاۋىپتى جاۋمەن ارپالىسۋدا.

اتاپ ايتساق مۇندا كوروناۆيرۋس ينفەكتسياسىن جۇقتىرعاندار سانى كوبەيۋدە. بۇگىندە ءۇندىستاندا 936181 كوروناۆيرۋس ينفەكتسياسىن جۇقتىرۋ جاعدايى تىركەلدى. بۇل ىندەتتەن ەلدە 24309 ادام كوز جۇمدى.