قوستاناي قالاسىنىڭ اكىمى كوروناۆيرۋسقا شالدىقتى
بۇل تۋرالى اكىم الەۋمەتتىك جەلىدەگى پاراقشاسىندا جازدى، دەپ حابارلايدى قازاقپارات.
«قۇرمەتتى قوستانايلىقتار! بارلىق ساقتىق شارالارىن قاتاڭ ساقتاۋىما قاراماستان، وكىنىشكە وراي، Covid-19-عا تاپسىرعان تەستىم وڭ ناتيجە كورسەتتى. وسى سەبەپپەن ءوز-ءوزىمدى وقشاۋلاۋعا كوشەمىن جانە جۇمىسىمدى قاشىقتان جالعاستىرامىن. وسىعان وراي، قالا تۇرعىندارىن بەلگىلەنگەن بارلىق تالاپتار مەن قاجەتتى قاۋىپسىزدىك شارالارىن قاتاڭ ساقتاۋعا شاقىرامىن. ءبىزدىڭ مىندەتىمىز - شىدامدىلىق تانىتىپ، تازالىققا ۇلكەن ءمان بەرۋ، ءوز وتباسىمىزدى قاۋىپ-قاتەردەن قورعاۋ»، - دەدى قايرات احمەتوۆ.
شاھار باسشىسى مۇنداي قيىن جاعدايدا دەنساۋلىقتى قورعاۋعا سانالى تۇردە قاراۋ كەرەكتىگىن اتاپ ءوتتى. ول تۇرعىنداردى ساقتىق شارالارىنا بارىنشا ۇقىپتى قاراۋعا شاقىردى.
