اسقار جۇماعاليەۆ: قازاقستان - ينتەرنەتكە قولجەتىمدىلىك بويىنشا الەمدە كوشباسشىلاردىڭ ءبىرى

«بۇگىنگى كۇنى دامىعان ينفراقۇرىلىم سيفرلىق ساۋاتتىڭ ارتۋىنا ءوز اسەرىن تيگىزەدى. اسىرەسە، اۋىلدى ەلدى مەكەندەردى ايتا كەتسەك، قازىرگى تاڭدا ەلىمىز - ينتەرنەتكە قولجەتىمدىلىك بويىنشا الەمدە كوشباسشىلاردىڭ ءبىرى. ەلدەگى ينتەرنەتتىڭ تارتىلۋ دەڭگەيى - %86,8. بۇگىنگى تاڭدا ينفراقۇرىلىمدى دامىتۋ بويىنشا ەلىمىزدە 2 ءىرى جوبا ىسكە اسۋدا. ول - اۋىلدى مەكەندەرگە كەڭجولاقتى ينتەرنەتتى جەتكىزۋ. وسىنىڭ ناتيجەسىندە ينتەرنەتتىڭ قولجەتىمدىلىك دەڭگەيى %99,3 جەتەدى»، - دەدى اسقار جۇماعاليەۆ ۇكىمەت وتىرىسىندا.

ونىڭ ايتۋىنشا، ينتەرنەتكە قولجەتىمدىلىك ءبىزدىڭ ازاماتتارعا، سونىڭ ىشىندە اۋىل تۇرعىندارىنا سيفرلىق ەكونوميكانى دامىتۋعا، ونلاين ءبىلىم بەرۋگە جانە قاشىقتان جۇمىس ىستەۋگە مۇمكىندىك بەرەدى.