كوروناۆيرۋسپەن كۇرەس: توقايەۆ اۋىل تۇرعىندارىنا ەرەكشە كوڭىل ءبولۋدى جۇكتەدى
«ىندەتى سيمپتومسىز جانە جەڭىل فورماداعى پاتسيەنتتەردىڭ سانى كوپ بولۋىنا بايلانىستى ەمحانالار مەن جەدەل مەديتسينالىق جاردەم قىزمەتىنە جۇكتەمە ەسەلەپ ارتتى. تەلەمەديتسينانى پايدالانا وتىرىپ، ۇيدە ج ر ۆ ي بەلگىلەرى بار امبۋلاتوريالىق پاتسيەنتتەردى انىقتاۋ مەن ەمدەۋدى بارىنشا قامتاماسىز ەتۋ كەرەك»، - دەدى پرەزيدەنت كوروناۆيرۋس ىندەتىنىڭ تارالۋىنا قارسى كۇرەس شارالارى جونىندەگى كەڭەستە.
سونىمەن قاتار مەملەكەت باسشىسى حالىقتى اقپاراتتاندىرۋ، باعدارلاۋ ءارى پسيحولوگيالىق قولداۋ ءۇشىن call-ورتالىقتار جۇمىسى كۇشەيتىلۋى كەرەكتىگىن تاپسىردى.
«اۋىل تۇرعىندارىنا ەرەكشە كوڭىل ءبولۋ كەرەك. حالىقتىڭ جارتىسىنا جۋىعىن قورعاۋسىز قالدىرماس ءۇشىن اۋىلداردا دياگنوستيكا مەن ەمدەۋدى قامتاماسىز ەتۋ ايىرىقشا ماڭىزدى»، - دەدى قاسىم- جومارت توقايەۆ.
اۆتور: رۋسلان عابباسوۆ
