پولشادا پرەزيدەنت سايلاۋىندا ەكى ۇمىتكەر ەكىنشى تۋرعا ءوتتى

كەشە، 28- ماۋسىمدا پولشادا پرەزيدەنت سايلاۋى ءوتتى. جەرگىلىكتى ۋاقىت بويىنشا تۇسكە دەيىن سايلاۋشىلاردىڭ 24 پايىزى داۋىس بەرىپ ۇلگەرگەن. ورتالىق سايلاۋ كوميتەتىنىڭ مالىمەتىنشە، بۇل - بۇرناعى جىلدارمەن سالىستىرعاندا رەكورد.

سايلاۋعا قاتىسىپ جاتقان 11 كانديداتتىڭ ءبارى ۋچاسكەگە كەلىپ، داۋىس بەردى. ونىڭ اراسىندا ەلدىڭ قازىرگى پرەزيدەنتى اندجەي دۋدا دا بار. ونى بيلىك پارتياسى - «قۇقىق پەن ادىلدىك» قولداپ وتىر.

ەكزيتپولداعى سايلاۋشىلاردىڭ ساۋالناما ناتيجەسىنە كوز سالساق، ەلدىڭ قازىرگى باسشىسى اندجەي دۋدا شامامەن داۋىستىڭ %42 جينايدى، ال ونىڭ قارسىلاسى - ۆارشاۆانىڭ مەرى رافال تشاسكوۆسكي %30 داۋىس جيناپ، ەكىنشى ورىنعا تۇراقتايدى.

جالپى، سايلاۋدىڭ ەكىنشى تۋرى 12- شىلدەگە جوسپارلانعان.