اتىراۋدا كوروناۆيرۋس جۇقتىرعاندار سكرينينگ بارىسىندا انىقتالعان
بۇل تۋرالى وبلىس اكىمدىگىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.
«اتىراۋ قالاسىنىڭ 11، يندەر اۋدانىنىڭ 6 جانە ماحامبەت اۋدانىنىڭ 3 تۇرعىنىنىڭ ۆيرۋس جۇقتىرعانى ناقتىلادى. يساتاي مەن قۇرمانعازى اۋداندارىندا دا ءبىر بىردەن جاعداي تىركەلدى. ولاردىڭ بارلىعى دا سكرينينگ بارىسىندا انىقتالىپ وتىر. قازىرگى ۋاقىتتا ناۋقاستاردىڭ بارلىق ينفەكتسيالىق اۋرۋحاناعا جاتقىزىلدى. بەكىتىلگەن حاتتاماعا سايكەس ەمدەۋ جۇرگىزىلىپ جاتىر. ناۋقاستارمەن بايلانىستا بولعان ادامدار انىقتالىپ جاتىر. ولاردىڭ بارلىعى مەديتسينالىق قاداعالاۋعا الىنادى. اۋرۋ وشاقتارىن زالالسىزداندىرۋ جۇمىستارى جۇرگىزىلۋدە»، - دەلىنگەن حابارلامادا. ەستەرىڭىزگە سالا كەتسەك، 27-ماۋسىمدا ەلىمىزدە كوروناۆيرۋس ينفەكسيانىڭ جاڭا 461 جاعدايى تىركەلدى. ءوسىم 2,3 پايىزدى قۇراپ وتىر. ال اتىراۋ وبلىسىندا 1606 ادام ۆريۋس جۇقتىرسا، سونىڭ 1332 سى جازىلىپ شىقتى.
