23:00, 27 - ماۋسىم 2020 | GMT +5
ءانشى، اكتريسا ءسادۋاقاسوۆا كوروناۆيرۋسپەن اۋىرىپ قالدى
نۇر-سۇلتان. قازاقپارات - قازاقستاندىق اكتريسا، ءانشى ءارى پروديۋسەر اسەل ءسادۋاقاسوۆادان كوروناۆيرۋس انىقتالدى.
بۇل تۋرالى ول Instagram پاراقشاسىندا جازدى.
«مەن اۋىرىپ قالدىم. سوڭعى ساتكە دەيىن ساۋمىن دەپ ويلاپ ەدىم، ءبىراق ارالاساتىن ادامداردىڭ كوبى اۋىرىپ جاتقاندا ساۋ قالۋ قيىن ەكەن. ساقتانىڭىزدار! كىم نيەتتەس بولسا، مەن ءۇشىن دۇعا تىلەڭىزدەرشى؟ ! الدا جاعداي قالاي بوپ جاتقانىن جازىپ وتىرام. بۇل ۇيدە وتىرىپ، ءوزىن قورعاۋعا شاقىرعان جازبا. مەن سەكىلدى وڭدى- سولدى شىعا بەرمەڭىزدەر» دەپ جازدى ول.
ەستەرىڭىزدە بولسا، ناۋرىز ايىنىڭ ورتاسىندا «اكتريسا كوروناۆيرۋس جۇقتىرىپ الدى» دەگەن سىبىس شىققان. الايدا كەيىن اسەل ءسادۋاقاسوۆا بۇل حاباردى جوققا شىعارعان بولاتىن.
اۆتور: ەربول جانات
