20:42, 26 - ماۋسىم 2020 | GMT +5
دەنساۋلىق ساقتاۋ ءمينيسترى باس دارىگەرلەرگە قوقان- لوقى جاسادى ما
نۇر- سۇلتان. قازاقپارات - الەۋمەتتىك جەلىلەردە جانە WhatsApp مەسسەنجەرىندە كۇنى كەشە تاعايىندالعان دەنساۋلىق ساقتاۋ ءمينيسترىنىڭ سەلەكتورلىق جيىن وتكىزىپ، وندا باس دارىگەرلەر مەن دەنساۋلىق ساقتاۋ باسقارمالارى باسشىلارىنا الەۋمەتتىك جەلىدەگى تەرىس پىكىرلەر ءۇشىن ۇرىسقانى، جۇمىستان قۋاتىنىن ايتقانى تۋرالى اقپارات تاراپ جاتىر،
دەپ حابارلايدى قازاقپارات ءتىلشىسى.
ءدال وسى ماسەلەگە وراي ق ر دەنساۋلىق ساقتاۋ مينيسترلىگى تۇسىنىكتەمە بەرىپ، اقپاراتتىڭ جالعان ەكەندىگىن ايتىپ وتىر.
«قۇرمەتتى ازاماتتار الەۋمەتتىك جەلىدە تاراعان سەنىمسىز اقپاراتتارعا بوي الدىرماي، تەك رەسمي دەرەككوزگە سەنۋگە شاقىرامىز. بارلىق سەنىمدى اقپاراتتاردى ق ر دەنساۋلىق ساقتاۋ مينيسترلىگىنىڭ رەسمي سايتىنان جانە الەۋمەتتىك پاراقشالارىنان الا الاسىزدار»،- دەدى ۆەدومستۆودان.
سونىمەن قاتار مينيسترلىك قاساقانا جالعان اقپارات تاراتقانداردىڭ ق ر قىلمىستىق كودەكسىنىڭ 274-بابىنا سايكەس قىلمىستىق جاۋاپكەرشىلىككە تارتىلاتىنىن ەسكەرتەدى.
ەستەرىڭىزگە سالا كەتەيىك، كەشە مەملەكەت باسشىسىنىڭ جارلىعىمەن ق ر دەنساۋلىق ساقتاۋ ءمينيسترى قىزمەتىنە الەكسەي سوي تاعايىندالعان ەدى.
اۆتور: مارلان جيەمباي
