قانداي ەلدىڭ ازاماتىنان ك ۆ ي انىقتاماسى سۇرالمايدى؟

نۇر-سۇلتان. قازاقپارات - قازاقستانمەن تۇراقتى حالىقارالىق اۋە قاتىناسى بار ءبىرىنشى ساناتتاعى ەلدەردىڭ ءتىزىمى ۇزارتىلدى. بۇدان بىلاي ۆەنگريا، ءۇندىستان، گەرمانيا، چەحيا جانە مالايزيادان كەلەتىن جولاۋشىلارعا ەش شەكتەۋ قويىلمايدى.

دەنساۋلىق ساقتاۋ مينيسترلىگىنىڭ كولىكتەگى باس سانيتارلىق دارىگەرى ءسادۋاقاس بايعابىلوۆ بۇگىن وسىلاي دەپ مالىمدەدى.

ءبىرىنشى ساناتتاعى مەملەكەتتەر تىزىمىندە قىتاي، وڭتۇستىك كورەيا، جاپونيا، گرۋزيا جانە تايلاند بار. ال ەكىنشى توپقا تۇركيامەن قاتار ەگيپەت، ۋكراينا، پولشا، وزبەكستان، قىرعىزستان جانە تاجىكستان قوسىلىپ وتىر.

ءسادۋاقاس بايعابىلوۆ، ق ر دەنساۋلىق ساقتاۋ مينيسترلىگىنىڭ كولىكتەگى باس سانيتارلىق دارىگەرى:

- ەكىنشى ساناتتاعى ەلدەردەن كەلەتىن جولاۋشىلاردان كوروناۆيرۋس بويىنشا انىقتاما تالاپ ەتىلەدى. ەگەر بولماعان جاعدايدا 48 ساعاتتىڭ ىشىندە پ ت ر- تەستتەن ءوتۋى كەرەك نەمەسە 14 كۇندىك ءۇي كارانتينىنە جاتقىزىلادى. كورشى ەلدەردىڭ اراسىندا رەسەيمەن جەڭىل كولىك قاتىناسىن جانداندىرۋ ماسەلەسى ءالى قارالىپ جاتىر. باستىسى، ەپيداحۋال جاقسارۋى ءتيىس. جاعداي كۇردەلەنە بەرسە بارىس- كەلىسكە رۇقسات بەرىلمەۋى مۇمكىن.

ال مەملەكەتارالىق تاۋار تاسىمالى توقتامايدى. پاندەميا كەزىندە ەلدەگى 51 اۆتوكولىك وتكىزۋ بەكەتىنىڭ تەك 12- ءسى جابىلعان. ترانزيتتىك جولاۋشىلارعا كەلسەك، بۇل رەتتە شەتەلدىك ديپلوماتيالىق ميسسيا جەتەكشىلەرىمەن جۇيەلى جۇمىس جۇرگىزىلۋدە.

عاني ءاعادىلوۆ، ق ر ۇ ق ك شەكارالىق باقىلاۋ دەپارتامەنتى باسشىسىنىڭ ورىنباسارى:

- 28-29 - مامىردان باستاپ قازاقستان مەن وزبەكستان شەكاراسىندا تاجىكستان ازاماتتارى جينالعان بولاتىن. بۇل مەملەكەتتىك شەكارا بولعاندىقتان تاجىكستانداعى قازاقستان ەلشىلىگى حاباردار ەتىلدى. ءبىز ءوز تاراپىمىزدان ولاردىڭ وتۋىنە كومەك بەردىك. 20 - ماۋسىم كۇنى تاعى 539 تاجىكستان ازاماتىن شەكارادان وتكىزدىك. بۇگىنگى كۇنى جاعداي باقىلاۋدا.