نۇر-سۇلتاندا دەمالىس كۇندەرى قوعامدىق كولىك جۇرمەيدى، ازىق-تۇلىك دۇكەندەرى عانا جۇمىس ىستەيدى

بۇل تۋرالى نۇر-سۇلتان قالاسى اكىمدىگىنەن ءمالىم ەتتى، دەپ حابارلايدى قازاقپارات ءتىلشىسى. «پروفيلاكتيكا شاراسىن وتكىزۋگە بايلانىستى دەمالىس كۇندەرى (27-28-ماۋسىم) ەلوردادا قوعامدىق كولىك جۇرمەيدى. اۆتوبۋستارعا دەزينفەكسيا جاسالادى. قوعامدىق كولىك قالىپتاسقان رەجيمگە 29-ماۋسىمدا (دۇيسەنبى) ورالادى»، - دەلىنگەن تاراتىلعان اقپاراتتا.

بۇدان بولەك بارلىق قوعامدىق ورىندار: ساياباقتار، گۇلزارلار، جاعالاۋلار، جاعاجايلار جانە تاعى دا باسقا ادام كوپ جينالاتىن ورىندار دەمالىس كۇندەرى جابىق بولادى.

27-28-ماۋسىمدا نۇر-سۇلتاندا ازىق-تۇلىك دۇكەندەرى عانا جۇمىس ىستەيدى. بۇل تۋرالى نۇر-سۇلتان قالاسى اكىمدىگىنەن ءمالىم ەتتى، دەپ حابارلايدى قازاقپارات ءتىلشىسى.

27-28-ماۋسىم كۇندەرى ەلوردادا تەك ازىق-تۇلىك دۇكەندەرى جۇمىس ىستەيدى. جۇمىس كەستەسى ساعات 10 نان 17 گە دەيىن. دەمالىس كۇندەرى بارلىق ساۋدا ورتالىقتارى، ساۋدا ۇيلەر، ازىق- تۇلىك جانە وزگە دە تاۋارلار ساتاتىن بازارلار، دۇكەندەر جۇمىس ىستەمەيدى.

«وتكەن «كارانتيندىك دەمالىس» سىرقاتتانۋ دەڭگەيىن تومەندەتۋدىڭ وڭ ديناميكاسىن كورسەتتى. وسى دەمالىس كۇندەرى - 27 جانە 28-ماۋسىمدا ءبىز «ۇيدەگى دەمالىس» كۇنىن ەنگىزەمىز. قازىرگى ۋاقىتتا قالادا اۋرۋدىڭ نەگىزگى ەكى وشاعى وتباسىلىق جانە ۇجىمدىق بولىپ وتىر. دەمالىس كۇندەرى تۇرعىندارعا جاقىن ماڭداعى ازىق- تۇلىك دۇكەنىنە، ءدارىحاناعا بارۋدى، مەديتسينالىق قىزمەت الۋدى نەمەسە رۇقسات ەتىلگەن جۇمىسقا بارۋدى قوسپاعاندا، ۇيلەرىنەن شىعۋعا تىيىم سالىنادى. قالانىڭ تىنىس- تىرشىلىگىن قامتاماسىز ەتەتىن كاسىپورىندار مەن ءۇي ماڭىنداعى ازىق-تۇلىك دۇكەندەرى عانا جۇمىس ىستەيدى. بازارلار دا جابىلادى. ازاماتتار سەنبىگە دەيىن قاجەتتى ونىمدەرىن ساتىپ الۋى كەرەك. ءۇي ماڭىنداعى ازىق-تۇلىك دۇكەندەرىندە قاجەتتىنىڭ ءبارى بار»، - دەدى قالانىڭ باس سانيتارلىق دارىگەرى جاننا پىراليەۆا.

سونىمەن قاتار 27-28-ماۋسىمدا ءدارىحانالاردىڭ، كوشە فورماتىنداعى (جازدىق) قوعامدىق تاماقتانۋ ورىندارىنىڭ جۇمىسىنا رۇقسات ەتىلەدى. بۇل رەتتە اتالعان نىساندار قاتاڭ سانيتاريالىق نورمالارىن ساقتاۋى كەرەك.