مينيستر ب ا ق وكىلدەرىنە «اقپارات سالاسىنىڭ ۇزدىگى» توسبەلگىسىن تابىستادى
ب ا ق قىزمەتكەرلەرى كۇنىنە وراي وتكەن سالتاناتتى جيىندا اتالعان توسبەلگى «قازاقستان» ۇلتتىق ارناسى ەفير ساياساتى انونس ءبولىمىنىڭ جەتەكشىسى ماقپال ۇكەنوۆاعا، «حابار 24» تەلەارناسى جاڭالىقتار ءبولىمىنىڭ ءتىلشىسى قانات بازىلحانوۆقا، «ايقىن» گازەتىنىڭ فوتو ءتىلشىسى ايتجان مۇرزانوۆقا «كازاحستانسكايا پراۆدا» گازەتى سپورت ءبولىمىنىڭ رەداكتورى اسقار بەيسەنبايەۆقا، سونداي-اق قازمەديا ورتالىعى باس ديرەكتورىنىڭ ورىنباسارى رايحان ابدەشيەۆاعا تابىستالدى.
ايتا كەتەيىك، «اقپارات سالاسىنىڭ ۇزدىگى» توسبەلگىسىمەن ەلىمىزدىڭ وڭىرلەرىندەگى سالا ماماندارى ماراپاتتالادى.
وسى ورايدا وتاندىق جۋرناليستيكانىڭ دامۋىنا ۇلەس قوسقان جانە ەڭبەك ءوتىلى 30 جىلدان اسقان شىن كاسىبي ماماندار قامتىلعان.
مەرەكە قارساڭىندا بۇقارالىق اقپارات قۇرالدارى سالاسىنىڭ 55 قىزمەتكەرى ەرەكشە توسبەلگى يەسى اتاندى.
بۇدان بۇرىن حابارلانعانداي، اقپارات جانە قوعامدىق دامۋ ءمينيسترى ايدا بالايەۆا ب ا ق قىزمەتكەرلەرىن كاسىبي مەرەكەسىمەن قۇتتىقتادى.
سونىمەن قاتار، بۇگىنگى سالتاناتتى جيىندا تانىمال جۋرناليست بەيسەن قۇرانبەك اتىنداعى «جىگەر» سىيلىعىنىڭ جەڭىمپازدارى ماراپاتتالدى.
