اقتاۋدا سەرۋەندەپ جۇرگەن ارىستاننىڭ يەسى تۇرمەگە قامالۋى مۇمكىن
جانۋار جەرگىلىكتى تۇرعىنداردىڭ زارەسىن العان. بۇعان دەيىن حابارلانعانداي، قاۋىپتى جانۋاردى اقشۇكىر اۋىلىنىڭ تۇرعىندارى بايقاپ، ۆيدەوعا ءتۇسىرىپ، الەۋمەتتىك جەلىگە سالعان. مۇنى بايقاعان جانۋاردىڭ قوجايىنى كولىككە تىعىلىپ، ارتىنشا پوليتسيا شاقىرعان. اقتاۋلىق پوليتسەيلەر ارىستاندى ۇستادى.
ال كارانتين كەزىندە اقتاۋدا قالىپ قويعان ماسكەۋلىك سيرك وكىلدەرى جانۋار ولارعا جەتكىزىلگەنى تۋرالى حاباردى جوققا شىعاردى. ارتىنشا ورمان شارۋاشىلىعى جانە جانۋارلار دۇنيەسى كوميتەتىنىڭ باسپا ءسوز حاتشىسى ساكەن دىلداحمەت جانۋار قوشقار-اتا قورىمىنىڭ جانىندا باقىلاۋدا تۇرعانىن ايتتى.
تەلەارنا مالىمەتىنشە، جانۋاردىڭ ەسىمى - سيمبا، ول - ءۇي جانۋارى. جانۋاردىڭ يەسى سيرەك كەزدەسەتىن اڭدى زاڭسىز ساتىپ العانى ءۇشىن جانە ۇستاعانى ءۇشىن ءۇش جىلعا دەيىن باس بوستاندىعىنان ايىرىلۋى مۇمكىن.
