جاڭبىر، بۇرشاق، داۋىل: نۇر-سۇلتاندا جانە بىرنەشە وڭىردە ەسكەرتۋ جاريالاندى

نۇر-سۇلتان. قازاقپارات - «قازگيدرومەت» ر م ك اۋا رايىنىڭ ناشارلاۋىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى قازاقپارات.

اتاپ ايتقاندا، 27-28- ماۋسىمدا نۇر-سۇلتان قالاسىندا جاڭبىر، كەي ۋاقىتتاردا قاتتى جاڭبىر جاۋادى، نايزاعاي وينايدى.

27- ماۋسىمدا كۇندىز بۇرشاق كۇتىلەدى. سولتۇستىك-باتىستان سوققان جەل وڭتۇستىك-باتىسقا اۋىسىپ، 27- ماۋسىم تاڭەرتەڭ جانە كۇندىز، 28- ماۋسىمدا تاۋلىك بويى ەكپىنى 15-20 م/س جەتەدى.

27- ماۋسىمدا اۋا تەمپەراتۋراسى كۇندىز 10-12 گرادۋس جىلىعا دەيىن تومەندەيدى. 27- ماۋسىمدا قوستاناي وبلىسىندا جاڭبىر جاۋادى. كەي جەرلەردە قاتتى جاڭبىر كۇتىلەدى. جەكەلەگەن اۋماقتاردا نايزاعاي، داۋىل، بۇرشاق بولجانادى.

سولتۇستىكتەن، سولتۇستىك- باتىستان سوققان جەلدىڭ ەكپىنى 15-20 م/س بولادى.

27- ماۋسىمدا اۋا تەمپەراتۋراسى تۇندە 3-11، كۇندىز 13-18 گرادۋس جىلىعا دەيىن تومەندەيدى. 27-28- ماۋسىمدا سولتۇستىك قازاقستان، اقمولا وبلىستارىندا جاڭبىر، كەي جەرلەردە قاتتى جاڭبىر جاۋادى. سونداي-اق نايزاعاي، داۋىل، بۇرشاق كۇتىلەدى.

سولتۇستىك- شىعىستان سوققان جەل وڭتۇستىك- باتىسقا اۋىسىپ، جىلدامدىعى 15-20، 23-28 م/س جەتەدى. 27-28- ماۋسىمدا تەرمومەتر تۇندە 2-10، كۇندىز 10-18 گرادۋس جىلىعا دەيىن تومەندەيدى.

27-28- ماۋسىمدا پاۆلودار وبلىسىندا جاڭبىر، كەي جەرلەردە قاتتى جاڭبىر جاۋادى. نايزاعاي، بۇرشاق، داۋىل بولجانادى.

سولتۇستىك-شىعىستان سوققان جەل وڭتۇستىك-باتىسقا اۋىسادى. 27- ماۋسىمدا تۇندە كەي جەرلەردە، كۇندىز باسىم بولىگىندە ەكپىنى 15-20 م/س قۇرايدى. كۇندىز ەكپىنى 23-28 م/س جەتۋى ىقتيمال. 28- ماۋسىمدا اۋا تەمپەراتۋراسى تۇندە 5-10، كۇندىز 10-18 گرادۋس جىلىعا دەيىن تومەندەيدى.

27-28- ماۋسىمدا قاراعاندى وبلىسىندا جاڭبىر، كەي جەرلەردە قاتتى جاڭبىر جاۋادى. نايزاعاي، بۇرشاق، داۋىل كۇتىلەدى. 27- ماۋسىمدا سولتۇستىك-باتىستان سوققان جەل وڭتۇستىك-باتىسقا اۋىسىپ، ەكپىنى تۇندە كەي جەرلەردە، كۇندىز باسىم بولىگىندە 15-20 م/س قۇرايدى.

كۇندىز جىلدامدىعى 23-28 م/س ارتۋى مۇمكىن. 27-28- ماۋسىمدا وبلىستىڭ سولتۇستىگىندە اۋا تەمپەراتۋراسى كۇندىز 13-18 گرادۋس جىلىعا دەيىن تومەندەيدى.

28- ماۋسىمدا شىعىس قازاقستان وبلىسىندا جاڭبىر، وڭتۇستىگىندە قاتتى جاڭبىر جاۋادى. كەي جەرلەردە نايزاعاي، بۇرشاق، داۋىل كۇتىلەدى. وڭتۇستىك-شىعىستان سوققان جەل وڭتۇستىك- باتىسقا اۋىسىپ، ەكپىنى 23-28 م/س جەتەدى.

28- ماۋسىمدا اۋا تەمپەراتۋراسى كۇندىز 10-18 گرادۋس جىلىعا دەيىن تومەندەيدى.