كورگەن دە ارماندا، كورمەگەن دە ارماندا - وتاندىق تۋريستەر شىعىس قازاقستان تۋرالى

وسىلايشا پاندەميا سالدارىنان، ەمدەۋ ساۋىقتىرۋ ورىندارى، ءبىرشاما كليەنتتەرىنەن ايىرىلدى. ەسەسىنە وتاندىق تۋريستەر قاتارى ارتتى. تۋريزمنىڭ تۇرالاپ قالماۋىنا، بۇل ۇلكەن قولداۋ دەيدى كاسىپ يەلەرى.

قاتونقاراعاي اۋدانىندا «قاتونقاراعاي ۇلتتىق پاركىمەن» «راحمان قاينارى» ساناتوريى، 12 پانتىمەن ەمدەۋ ورتالىعى، 12 قوناق ءۇي، ەكى بىردەي ساۋىقتىرۋ لاگەرى بار. وتكەن جىلى تەك قانا پانتىمەن ەمدەۋ بازالارىندا 8 مىڭنان استام ادام دەمالسا، سونىڭ 130-دان استامى شەت ەلدىكتەر بولعان. كوبىنە رەسەيدەن، ۋكراينادان كەلەتىن. بيىل جاعداي باسقاشا.

جانار سارسەنبايەۆا، كاتونقاراعاي اۋدانى كاسىپكەرلىك ونەركاسىپ جانە تۋريزم ءبولىمىنىڭ باسشىسى:

- كوروناۆيرۋس ينفەكسياسى بىزگە دە اسەرى ءتيىپ جاتىر، شەتەلدەن تۋريستەر بىزگە كەلە المايدى قازىر، ولاردى قابىلدامايمىز، ءوزىمىزدىڭ تۋريستەردى 3 - ماۋسىمنان باستاپ قابىلداي باستادىق.

دەگەنمەن، كوروناۆيرۋس پاندەمياسى قازاقستاندىقتارعا وتاندىق تۋريزمگە بەت بۇرۋعا ىقپال ەتتى. بۇرىن شەتەل اسىپ دەم الاتىن ازاماتتاردىڭ ءبىرشاماسى بيىل وسى قاتونقاراعايعا ات باسىن بۇرىپتى. ولاردىڭ اراسىندا تانىمال سپورت جۇلدىزى ولگا رىپاكوۆا دا بار.

ولگا رىپاكوۆا، وليمپيادا چەمپيونى:

- وسى ۋاقىتقا دەيىن تالاي شەت ەلدى كوردىم. جۇمىس بارىسى دا سولاي بولدى. نەگىزىنەن كوبىمىز سوسىن بارا سالامىز دەپ تۋعان ولكەمىزدى ارالاۋدى كەيىنگە ىسىرىپ جاتامىز عوي. مەن دە سول قاتاردان بولدىم. تالاي رەت ويلاپ جوسپارلاسام دا ءساتى تۇسپەي جۇرگەن. بيىل مىنەكي سول مۇمكىندىك تۋدى. شۆەتساريادان اسىپ تۇسەدى دەر ەدىم، ويتكەنى تۋعان ولكەمىز عوي.

وسىلايشا ساياحاتتاۋشىلار قولدا بار التىننىڭ قادىرىن ەندى ءبىلىپ جاتىر. بارلىعى دا بۇل ءوڭىردىڭ اتىنا قانىق بولعانمەن، اياعىمىز ەندى جەتتى دەيدى. اتىراۋ، اقتاۋ، تۇركىستان، پاۆلوداردان كەلگەن دەمالۋشىلار كوپ.

نۇربول بايماعامبەتوۆ، تۋريست /اقتاۋ قالاسى/:

- تابيعاتى وتە كەرەمەت، اۋىل شارۋاشىلىعىن دامىتۋعا جاقسى ەكەن، جىلىجاي سالۋعا بولادى، تابيعاتى وتە كەرەمەت تاۋلاردىڭ ۇستىندە ايۋلار بار ەكەن، بالىق اۋلاۋعا باردىق، بۋرابايدا بولدىم ورالدا، اقتوبەدە بولدىم، مىناداي كەرەمەت جەردى ءبىرىنشى رەت كورىپ تۇرمىن.

ايتا كەتۋ كەرەك، تاريحي قۇندىلىققا تولى بەرەل قورعانى دا ء!قازىر تۋريستەردەن بوساماي جاتىر. ءبارى دە ەلىمىزدىڭ تۇكپىر- تۇكپىرىنەن كەلگەندەر. ساق پاتشالىعىنىڭ تاريحىن ەستىپ، جادىگەرلەرىن كورىپ تاڭ- تاماشا.

دامير نۇرتازينوۆ، ساياحاتشى /پاۆلودار وبلىسى/:

- شەت ەلدەردى ارالادىق، تۇركيانىڭ جاعاجايىن، ەۋروپانىڭ عيماراتتارىن، سينگاپۋر جەرلەرىندە بولدىم، ءبىراق مىنە 100 شاقىرىمداي جەردە بۇنداي كەرەمەت ورىن بار ەكەنىن ويلاماعام. كورگەن دە ارماندا، كورمەگەند دە ارماندا دەپ قايتا ارماندا. تاعىدا قايتىپ كەلۋدى ويلاپ وتىرمىز.

دەگەنمەن، تۋريستى ولكەدە ينفراقۇرىلىمنىڭ اقساپ تۇرعا جايى دا بار. كوپشىلىكتى راحمان قاينارى سىندى شالعايداعى ساۋىقتىرۋ مەكەمەلەرىنە جەتەر جول قينايدى. عالامتور يگىلىگىن كورە الماي وتىرعاندار دا بار. وسى ءبىر جايسىزدىقتار بولماسا، بۇل جەر دەرتكە داۋا، جانعا شيپا دەيدى تۋريستەر.

www.24.kz