وڭتۇستىك افريكا رەسپۋبليكاسى كوروناۆيرۋس ۆاكسيناسىن سىناپ جاتىر

نۇر-سۇلتان. قازاقپارات - ۇلى بريتانيادا لوندون كورولدىك كوللەدجىنىڭ عالىمدارى كوروناۆيرۋسقا قارسى تاعى ءبىر ۆاكسينانى ادامدارعا ەگىپ سىناقتان وتكىزۋدى باستادى.

بۇل ۆاكسينانى جاساپ شىعارۋدا ماماندار جاڭا ءتاسىل قولدانعان. ول ادامنىڭ يممۋندىق جۇيەسىنە كومەكتەسۋ ارقىلى اعزادا ۆيرۋستىڭ كوبەيۋىنە جول بەرمەيدى. ۆاكسينا الدىمەن 300 ادامعا ەگىلىپ تەكسەرىلمەك. تاجىريبە ءساتتى ءوتىپ جاتسا، قازان ايىندا تاعى 6 مىڭ ادامعا ەگىلىپ زەرتتەلەتىن بولادى. ەگەر ونىڭ تيىمدىلىگى دالەلدەنسە كەلەسى جىلدىڭ باس كەزىنەن باستاپ جاپپاي شىعارۋ قولعا الىنباق.

روبين شاتتوك، پروفەسسور:

- بۇل ۆاكسينانىڭ ارتىقشىلىعى ونى جاپپاي شىعارۋعا تيىمدىلىگىندە. مىسالى، 1 ليتر ەكپەدەن 2 ميلليون دوزا ۆاكسينا دايىنداۋعا بولادى. ياعني ەگەر بارلىق تاجىريبە ءساتتى ءوتىپ جاتسا، ۆاكسينانى تاراتۋ ءۇشىن ۇلكەن قويمالار بار زاۋىت سالۋدىڭ قاجەت بولمايدى.

وڭتۇستىك افريكادا دا كوروناۆيرۋسكە قارسى ۆاكسينا ادامدارعا سىنالا باستادى. بۇل افريكا قۇرلىعىندا العاش قولعا الىنىپ وتىرعان شارا. ەكپەنى تەكسەرىستەن ۇلى بريتانيانىڭ وكسفورد ۋنيۆەرسيەتتى وتكىزۋدە.

ال رەسمي دەرەككە قاراعاندا قازىر افريكادا كوروناۆيرۋستى جۇقتىرعانداردىڭ سانى 325 مىڭنان اسقان. ولاردىڭ 105 مىڭنان استامى وڭتۇستىك افريكا رەسپۋبليكاسىنىڭ تۇرعىنى.

www.24.kz