كوروناۆيرۋسپەن كۇرەس: مارقۇم باقبەرگەن ايجىگىتوۆ «حالىق العىسى» مەدالىمەن ماراپاتتالدى
قازاقپارات بۇل تۋرالى ۆەدومستۆونىڭ Facebook-تەگى پاراقشاسىنا سىلتەمە جاساپ حابارلايدى.
دەنساۋلىق ساقتاۋ سالاسىندا جەمىستى ەڭبەك ەتىپ جۇرگەن قازاقستان ازاماتتارىن ىنتالاندىرۋ ءۇشىن ق ر پرەزيدەنتىنىڭ 2020-جىلعى 8- ماۋسىمداعى 348№ جارلىعىنا سايكەس «حالىق العىسى» مەدالى تاعايىندالدى. سونداي-اق مەملەكەت باسشىسىنىڭ 2020-جىلعى 19- ماۋسىمداعى 353№ جارلىعىمەن ق ر دەنساۋلىق ساقتاۋ مينيسترلىگى بويىنشا ماراپاتتالاتىن 29 ادامنىڭ ءتىزىمى بەكىتىلدى.
«قۇرمەتتى ارىپتەستەر، دەنساۋلىق ساقتاۋ جۇيەسىنە ۇلكەن جۇكتەمە ءتۇسىپ وتىرعان - كوروناۆيرۋس ينفەكتسياسىنىڭ تارالۋى قارقىن العان قازىرگى كەزەڭدە كۇندەلىكتى تاباندى ءارى باتىل ەڭبەكتەرىڭىز ءۇشىن باس ءيىپ، العىس ايتامىز»، - دەدى ۆيتسە-مينيستر ءلاززات اقتايەۆا.
ءبىرىنشى كەزەكتە مەدال قاراعاندى وبلىسىنىڭ سانيتارلىق قىزمەتى بۇقار جىراۋ اۋداندىق باسقارماسىنىڭ باس مامانى مارقۇم باقبەرگەن ساعىمقوجا ۇلى ايجىگىتوۆتىڭ تۋىستارىنا تاپسىرىلدى.
ب. ايجىگىتوۆ ىندەتپەن كۇرەستە الدىڭعى شەپتە ەڭبەك ەتكەن مامان. سونىمەن قاتار، مەدالمەن ماراپاتتالعان، قازىر ەلىمىزدىڭ بارلىق وڭىرىندە كوروناۆيرۋسپەن كۇرەسكە جۇمىلدىرىلعان مەديتسينا قىزمەتكەرلەرىنىڭ اتى-جوندەرى اتالدى.
ونىڭ ىشىندە مەدالدى باس ينفەكتسيونيست ديناگۇل باەشيەۆا الدى. سونداي-اق تىزىمدە ك ۆ ي- گە شالدىققانداردى ەمدەۋ حاتتاماسىنىڭ اۆتورلارىنىڭ ءبىرى - استانا مەديتسينا ۋنيۆەرسيتەتىنىڭ كلينيكالىق جۇمىستار جونىندەگى پرورەكتورى باقىت كوشەروۆا بار.
شارا سوڭىندا مەديتسينا قىزمەتكەرلەرى COVID-19 پاندەمياسىمەن كۇرەستە ەڭبەكتەرىن جوعارى باعالاعانى ءۇشىن پرەزيدەنت قاسىم-جومارت توقايەۆقا جانە دەنساۋلىق ساقتاۋ مينيسترلىگىنىڭ باسشىلىعىنا العىس ءبىلدىردى.
