الماتى وبلىسىندا كارانتين تالاپتارى كۇشەيدى
وبلىستىڭ باس سانيتار دارىگەرى قايرات بايمۇحامبەتوۆتىڭ قاۋلىسىنا سايكەس، جاڭا شەكتەۋلەر كۇشىنە ەنەدى. جينالىستاردى، كەڭەستەردى، كونفەرەنسيالاردى، فورۋمداردى، سەمينارلاردى، سيەزدەردى جانە ادامدار كوپ جينالاتىن باسقا دا ءىس- شارالاردى وتكىزۋگە تىيىم سالىنادى.
قوعامدىق تاماقتاندىرۋ وبەكتىلەرىنىڭ قىزمەتى 30-دان استام وتىراتىن ورىن- جايلاردا جانە 50-دەن استام وتىراتىن جازعى الاڭداردا (ونلاين- تاپسىرىس ۇيىمداستىرۋدى جانە جەتكىزۋدى قوسپاعاندا) توقتاتىلا تۇرادى.
ساۋدا، ويىن- ساۋىق ورتالىقتارىنىڭ، ءدىني وبەكتىلەردىڭ، ءبىلىم بەرۋ ورتالىقتارىنىڭ، ۇيىرمەلەردىڭ، ارتكلۋبتاردىڭ، بالالاردىڭ بوس ۋاقىتى مەن قوسىمشا وقىتۋ ورىندارىنىڭ، بالالاردىڭ تۇزەتۋ كابينەتتەرىنىڭ جانە مەنشىكتىڭ بارلىق نىسانىنداعى مەكتەپكە دەيىنگى ۇيىمداردىڭ قىزمەتى توقتاتىلادى.
ستاتسيونارلىق مەديتسينالىق كومەك كورسەتەتىن دەنساۋلىق ساقتاۋ وبەكتىلەرىندە جوسپارلى ەمدەۋگە جاتقىزۋ، سونداي- اق حالىقتى جوسپارلى يممۋنداۋدى، جۇكتى ايەلدەردى قابىلداۋ مەن سكرينينگتى قوسپاعاندا، جوسپارلى مەديتسينالىق قىزمەتتەردى قابىلداۋ جانە كورسەتۋ توقتاتىلادى. م س ا ك دارىگەرلەرىنىڭ جوسپارلى قابىلداۋى جانە امبۋلاتوريالىق- ەمحانالىق ۇيىمدار دارىگەرلەرىنىڭ جوسپارلى كونسۋلتاتسيالارى قاشىقتىقتان قىزمەت كورسەتۋ فورماتىنا اۋىستىرىلادى. ح ق ك و، Оpen تالدىقورعان سەرۆيسى، بيزنەس ورتالىقتارىنىڭ (ساقتاندىرۋ كومپانيالارى، ەسەپشى جانە كونسالتينگ قىزمەتتەرى، جىلجىمايتىن مۇلىك اگەنتتىگى، جارناما اگەنتتىكتەرى جانە باسقا) جۇمىسى ونلاين فورماتقا وتەدى. ونلاين- فورماتتا جوق قىزمەتتەردى الدىن الا جازىلىپ، ەلەكتروندىق كەزەكپەن ساعات 10:00-دەن 16:00-گە دەيىن الا الاسىز.
