كۇن سۋىتادى: ەلىمىزدىڭ باسىم بولىگىندە اۋا رايى قۇبىلمالى بولادى

نۇر-سۇلتان. قازاقپارات - 25-27-ماۋسىم كۇندەرى ەلىمىزدە جاڭبىر جاۋىپ، كۇن سۋىتادى، دەپ حابارلايدى «قازگيدرومەت».

سينوپتيكتەردىڭ مالىمەتىنشە، ەلىمىزدىڭ ءبىراز بولىگىندە اۋا رايى قۇبىلمالى بولادى.

نوۆايا زەمليا اۋماعىنان كەلگەن سولتۇستىك سيكلون ەلىمىزگە جاڭبىر اكەلەدى. كەي جەرلەردە نوسەر جاڭبىر جاۋۋى مۇمكىن. رەسپۋبليكانىڭ سولتۇستىك- باتىسىندا، سولتۇستىگىندە، كەيىن ورتالىعى مەن وڭتۇستىك- شىعىسىندا جاڭبىر جاۋۋى ىقتيمال.

26-ماۋسىمدا سولتۇستىك- باتىستان سۋىق انتيتسيكلون كەلەدى. تۇندە رەسپۋبليكانىڭ سولتۇستىك بولىگىندە اۋا تەمپەراتۋراسى 2-7+ جانە 10+ عا گرادۋسقا دەيىن تومەندەيدى. كۇندىز اۋا تەمپەراتۋراسى 12-17+، كەي جەرلەردە 20+ گرادۋستى كورسەتەدى.

ەلىمىزدىڭ كەي جەرلەرىندە جەل كۇشەيىپ، بۇرشاق جاۋىپ، داۋىل سوعۋى مۇمكىن.