اتىراۋدا تاتۋلاسۋ ورتالىعى اشىلدى
«جاقىندا ازاماتتىق ءىس جۇرگىزۋ كودەكسىنە وزگەرتۋلەر مەن تولىقتىرۋلار ەنگىزىلگەن بولاتىن. ولاردىڭ ءبىر ءبولىمى تاتۋلاستىرۋ راسىمدەرىن جۇرگىزۋگە باعىتتالعان. 22- ماۋسىمنان باستاپ سوتتار تاراپتاردىڭ تالاپ ارىزدارىن قابىلداپ، ولاردى بىتىمگە كەلتىرۋشى سۋدياعا جىبەرەدى. تاراپتار پروبلەمالىق ماسەلەلەردى تاتۋلاسۋ ارقىلى شەشۋى ءۇشىن وعان 14 كۇن ۋاقىت بەرىلەدى»، - دەدى اتىراۋ وبلىستىق سوتىنىڭ ءتوراعاسى باۋىرجان جۇماعۇلوۆ.
ورتالىق جۇمىسى وتكەن جىلى وبلىستىق سوتتىڭ بازاسىندا پيلوتتىق رەجيمدە باستالعان بولاتىن. وسى ۋاقىت ىشىندە 2257 ءىس قارالىپ، ولاردىڭ 840 ى سوتقا جەتپەي شەشىلدى.
ورتالىقتا ازاماتتارعا مەدياتورلار، بيلەر، قورعاۋشىلار، پروكۋرورلار، پسيحولوگتار، نوتاريۋستار جانە بيزنەس-ومبۋدسمەن وكىلدەرى كومەك كورسەتەدى.
ورتالىق قاجەتتى تەحنيكالىق قۇرالدارمەن جابدىقتالعان.
