قازىرگى جازۋشىلاردىڭ قالاماقىسى قانشا؟
بۇل سۇراق كەز كەلگەن شىعارماشىلىق ادامىن مازالايتىنى انىق. جاۋابى: ارينە، بولادى. ادەبيەت الەمىندە قانشا اقشا جۇرەتىنىن ءبىلۋ ءۇشىن ءتۇرلى ەلدەر جازۋشىلارىنىڭ قالاماقىسىن زەرتتەپ كورەلىك.
ەگەر بىلتىرعى Forbes 100: ەڭ كوپ اقشا تاپقان الەم جۇلدىزدارى رەيتينگىنەن تەك ەكى جازۋشىنىڭ اتى-ءجونىن بايقاۋعا بولادى. اتاقتى باسىلىمنىڭ تىزىمىندە ون ءۇشىنشى ورىندى گارري پوتتەر تۋرالى كىتاپتار اۆتورى دجوان روۋلينگ يەلەندى. ونىڭ وتكەن جىلداعى كىرىسى 92 ميلليون دوللاردى قۇراعان.
ارينە، بۇل اقشانىڭ ءبارى كىتاپ ساتىلىمىنان تۇسپەگەنى انىق، دەسە دە روماندار جەلىسىنىڭ ءوزى 500 ميلليون ەكزەمپلياردان اسقان. جالپى جازۋشىنىڭ شوتىنا تۇسەتىن اقشانىڭ قالعان بولىگى گارري پوتتەر پاركتەرى مەن ونىڭ فرانشيزالارى جانە پەسا قويىلىمدارىنان تۇسەدى.
مىسالى، قويىلىمعا ءبىر عانا اپتادا ساتىلعان بيلەتتەن 2,3 ميلليون دوللار ءتۇسىپ، بۇل كورسەتكىش برودۆەي تاريحىنداعى رەكوردتى جاڭارتتى.
ال گارري پوتتەر تۋرالى «فانتاستيكالىق ماقۇلىقتار: گرين- دە-ۆالد قىلمىسى» اتالاتىن ونىنشى فيلم الەم بويىنشا پروكاتتان 650 ميلليون دوللار جينادى. ەڭ باي ادامدار تىزىمىنە ەسىمى ەنگەن ەكىنشى جازۋشى 28- ورىندى مىسە تۇتقان. تريللەرلەر مەن دەتەكتيۆتەر اۆتورى دجەيمس پاتتەرسوننىڭ كىرىسى $70 ميلليوندى قۇرادى. جالپى سانى 5,5 ميلليون دانا كىتاپ ساتىلعان.
بۇل، ارينە، ادەبيەت الەمىنىڭ اكۋلالارى. ال ورتاشا كورسەتكىش بۇدان وزگە ەكەنى ايتپاسا دا تۇسىنىكتى.
ا ق ش ەڭبەك ستاتيستيكاسى بيۋروسىنىڭ 2018-جىلعى ەسەبى بويىنشا، امەريكالىق جازۋشىنىڭ جىلدىق كىرىسى 62170 دوللارعا تەڭ. Royal Society of Literature (كورولدىك ادەبيەت قوعامى) زەرتتەۋىنە ساي، ۇلى بريتانيا جازۋشىلارىنىڭ %70 ى 10 مىڭ فۋنت ستەرلينگتەن كوپ تاپپاعان.
ال ادەبيەتكە جاقىنداۋ دەگەن كورشى جاتقان رەسەيدە دە كورسەتكىشتەر ءماز ەمەس. اتالعان مەملەكەتتە ورتا ەسەپپەن ءبىر كىتاپتىڭ جىلىنا 4,5 مىڭ داناسى ساتىلادى.
ەڭبەك جولىن ەندى باستاعان جازۋشىنىڭ اۆتورلىق گونورارى 25 مىڭ رۋبلدەن اسپايدى. ال ادەبي پرەميالار لاۋرەاتتارىنىڭ قاتارىندا ميلليونداپ تاباتىندارى بار. ءبىراق ول جەردە جۇرگەن اقشا بارىنە ورتاق ەمەس.
مىسالى، دونتسوۆانىڭ ءبىر شىعارماسى 140 مىڭ دوللارعا باعالانۋى مۇمكىن. الەكساندرا مارينيناعا 150 مىڭ دوللار كولەمىندە تولەنۋى مۇمكىن. بوريس اكۋنين ورتا ەسەپپەن 30 مىڭ دوللارعا دەيىن الادى.
Massaget.kz
