رەسەيدە جەڭىس پارادى ءوتىپ جاتىر
باسقا كوپتەگەن قالالاردا دا وزگە فورماتتاعى مەرەكەلىك شارالار، سونىڭ ىشىندە سالتاناتتى شەرۋلەر وتكىزىلۋدە. كەيبىر وڭىرلەر ەپيدەميولوگيالىق جاعدايعا بايلانىستى بيلىك شەرۋ وتكىزۋدەن باس تارتقان نەمەسە پارادتى كورەرمەنسىز وتكىزۋ شەشىمىن قابىلداعان.
26- ماۋسىمدا ر ف پرەزيدەنتى ۆلاديمير پۋتين قورعانىس ءمينيسترى سەرگەي شويگۋمەن وتكەن كەڭەس بارىسىندا جەڭىس پارادى 24- ماۋسىم، ياعني 1945-جىلى تاريحي جەڭىس پارادى بولعان كۇنى وتەتىنىن جاريالادى.
ماسكەۋگە ەكىنشى دۇنيەجۇزىلىك سوعىستاسى جەڭىستىڭ 75 جىلدىعىنا ارنالعان سالتاناتتى شارالارعا قاتىسۋ ءۇشىن شەتەلدىك مەملەكەتتەردىڭ كوشباسشىلارى كەلىپ جاتىر.
رەسەي استاناسىنا ابحازيا پرەزيدەنتى اسلان بجانيا، قازاقستان پرەزيدەنتى قاسىم-جومارت توقايەۆ، مولداۆيا پرەزيدەنتى يگور دودون، سەربيا پرەزيدەنتى الەكساندر ۆۋچيچ، وزبەكستان پرەزيدەنتى شاۆكات ميرزيەيەۆ، بەلارۋس پرەزيدەنتى الەكساندر لۋكاشەنكو جينالدى، سونداي-اق بوسنيا مەن گەرتسەگوۆينا پرەزيديۋمىنىڭ سەربيالىق مۇشەسى ميلوراد دوديك، قىرعىزستان پرەزيدەنتى سوورونباي جەەنبەكوۆ، تاجىكستان پرەزيدەنتى ەمومالي راحمون، وڭتۇستىك وسەتيا پرەزيدەنتى اناتولي ءبيبيلوۆتىڭ كەلۋى كۇتىلۋدە.
ەسكە سالا كەتسەك، مەملەكەت باسشىسى قاسىم-جومارت توقايەۆ رەسەي فەدەراتسياسىنىڭ پرەزيدەنتى ۆلاديمير پۋتيننىڭ شاقىرۋىمەن ماسكەۋگە جۇمىس ساپارىمەن باردى.
مەملەكەت باسشىسى بۇگىن نۇر-سۇلتان ۋاقىتى بويىنشا ساعات 13:00 دە قىزىل الاڭدا جەڭىستىڭ 75 جىلدىعىنا ارنالعان اسكەري پارادقا قاتىسادى. سونىمەن قاتار، قاسىم-جومارت توقايەۆ «بەلگىسىز سولدات» قابىرىنە گۇل شوعىن قويادى جانە جەڭىستىڭ 75 جىلدىعىنا ارنالعان سالتاناتتى قابىلداۋعا قاتىسادى.
