ۋاقىتشا باسقا قالادا تۇرىپ جاتقان قازاقستاندىقتار ونلاين تىركەلە الادى

نۇر-سۇلتان. قازاقپارات - جۇمىس، وقۋ، ەمدەلۋ نەمەسە باسقا دا سەبەپتەر بويىنشا باسقا قالاعا كەلگەن ازاماتتار تۇرعىلىقتى جەرى بويىنشا «ەلەكتروندىق ۇكىمەت» پورتالىندا ۋاقىتشا تىركەۋگە ءوتىنىش بەرە الادى.

بۇل جونىندە «ۇلتتىق اقپاراتتىق تەحنولوگيالار» ا ق باسپا ءسوز قىزمەتى مالىمەت تاراتتى.

«1 جىلعا دەيىن باسقا قالاعا بارعاندا پورتالدا ۋاقىتشا تۇراتىن جەرگە تىركەلە الاسىز. eGov.kz ورتالىعىندا 15 مينۋت ىشىندە تىركەلۋگە بولادى»، - دەپ اتاپ ءوتتى «ۇلتتىق اقپاراتتىق تەحنولوگيالار» ا ق باسقارما ءتوراعاسى اسەت تۇرىسوۆ.

eGov.kz پورتالىندا «قازاقستان رەسپۋبليكاسى حالقىنىڭ تۇرعىلىقتى جەرى بويىنشا ۋاقىتشا تىركەلۋى» كورسەتىلەتىن قىزمەتىن الۋ ءۇشىن ەكراننىڭ سول جاعىنداعى «ازاماتتىق، ميگراتسيا جانە يمميگراتسيا» تارماعىن جانە «حالىقتى تىركەۋ جانە تىركەۋ ەسەبىنەن شىعارۋ» ساناتىن تاڭداۋ قاجەت.

بۇدان ءارى پورتالدا اۆتورلانۋ جانە «قىزمەتكە ونلاين تاپسىرىس بەرۋ» باتىرماسىنا ءوتۋ قاجەت.

سودان كەيىن 1 دەن 12 ايعا دەيىنگى تىركەۋ كەزەڭىن تاڭداڭىز. ۋاقىتشا تىركەلۋ كەزىندە تۇراقتى تىركەۋ مەكەنجايى وزگەرىسسىز قالادى. دەمەك، ۋاقىتشا تىركەۋ مەرزىمى اياقتالعاننان كەيىن پورتالعا قايتا جۇگىنۋدىڭ قاجەتى جوق.