باتىس قازاقستاندا بازارلار مەن ءدامحانالار جابىلىپ، اۆتوبۋس جۇرمەيتىن بولدى

وڭىردەگى ەپيدەميولوگيالىق جاعدايدىڭ كۇردەلىلىگىنە بايلانىستى ب ق و باس مەملەكەتتىك سانيتار دارىگەرى مۇحامعالي ارىسپايەۆتىڭ 23 - ماۋسىمدا جاڭا قاۋلىسى شىقتى. اتاپ ايتقاندا، دەمالىس كۇندەرى، 27 - ماۋسىم ساعات 00.00-دەن باستاپ 29 - ماۋسىم كۇنگى ساعات 00.00-گە دەيىن اسا قاجەت جاعدايلاردى قوسپاعاندا، ازاماتتاردىڭ ءجۇرىپ- تۇرۋى شەكتەلەدى. ياعني ادامدار جۇمىس ورنىنا انىقتاما نەمەسە قىزمەتتىك كۋالىكپەن بارىپ كەلە الادى. تۇرعىندار ازىق- تۇلىك، ءدارى- دارمەكتى جاقىن جەردەگى دۇكەن مەن ءدارىحانادان ساتىپ الا الادى. سول سەكىلدى شۇعىل جاعداي تۋىنداعاندا، مەديتسينالىق ۇيىمدارعا بارىپ، ءۇي جانۋارلارىن تۇرعىلىقتى جەرىنە جاقىن ماڭدا سەرۋەندەتە الادى.

قوسىمشا ۋاقىتشا شەكتەۋ كەزەڭىندە جاسى 65-تەن اسقان ادامداردىڭ اسا قاجەت بولماسا، كوشەگە شىعۋىنا شەكتەۋ قويىلادى. ساۋدا- ويىن- ساۋىق ورتالىقتارى، ساۋدا ورتالىقتارى مەن ۇيلەرى، ازىق- تۇلىك جانە ازىق- تۇلىك ساتپايتىن بازارلار، وسىنداي ساۋدا جەلىلەرى، قوعامدىق تاماقتانۋ نىساندارى، فيتنەس- ورتالىقتار مەن باسقا دا سپورت نىساندارى، قوعامدىق ورىندار (ساياباقتار، سكۆەرلەر، جاعالاۋ، جاعاجايلار) قىزمەتى توقتاتىلادى. سونداي- اق قوعامدىق كولىك جۇرمەيدى.

دەمالىس كۇندەرى مەنشىك نىسانىنا قاراماستان، بارلىق ۇيىمدار مەن كاسىپورىندار ساۋدا ورتالىقتارى مەن ۇيلەرىندە، بازارلاردا، قوعامدىق كولىكتەردە، ازىق- تۇلىك جانە ازىق- تۇلىك ەمەس ونىمدەردىڭ ساۋدا نىساندارىندا، قىزمەت كورسەتۋ سالاسىنداعى نىسانداردا جانە ادامدار كوپ جينالاتىن باسقا دا ورىنداردا اۋقىمدى دەزينفەكسيالاۋ جۇمىستارىن جۇرگىزەدى.

ال 24 - ماۋسىم كۇنى ساعات 00.00-دەن باستاپ جەدەل جاردەم كولىگىن، اۆاريالىق قىزمەتتەر جانە باسقا دا ارنايى ورگانداردىڭ، سونداي- اق بقو، ورال قالاسى مەن اۋدانداردىڭ تىرشىلىگىن قامتاماسىز ەتۋگە جاۋاپ بەرەتىن ۇيىمداردىڭ كولىگىن قوسپاعاندا، كەز كەلگەن كولىكتىڭ قوزعالىسى ساعات 23.00-دەن تاڭعى 06.00-گە دەيىن شەكتەلەدى.

ەسكە سالا كەتەيىك، بۇدان بۇرىن باتىس قازاقستاندا 12 جۇكتى ايەلدىڭ كوروناۆيرۋستان ەمدەلىپ جاتقانىن جازعان بولاتىنبىز.

اۆتور: ەلجان ەرالى