حالىق قاي سالاداعى مەملەكەتتىك قىزمەتشىلەرگە ءجيى شاعىمدانادى
«ارىزدىڭ كوپشىلىگى ىشكى ىستەر ورگاندارى، اكىمدىكتەر، ءبىلىم، دەنساۋلىق ساقتاۋ، كەدەن ورگاندارى قىزمەتكەرلەرىنە جانە سالىقشىلاردىڭ اتىنا تۇسەدى»، - دەدى د. بيگايداروۆ Facebook جەلىسىندە وتكەن «Antikor Life» سۇحباتىندا.
سپيكەردىڭ ايتۋىنشا، تۇرعىندار پارا بەرۋ، پارا الۋ، ءتۇرلى قۇجاتتاردى بەرۋدە پارا تالاپ ەتۋ سىندى زاڭبۇزۋشىلىقتاردى حابارلايدى.
«كوپ جاعدايدا تۇرعىندار جول اپاتىنا ۇشىراعاندا، جول ەرەجەسىن بۇزعاندا پارا بەرۋگە تىرىسادى. ادامدار ماسەلەن 25 مىڭ تەڭگە ايىپپۇلدان قاشىپ، پارا بەرۋگە تىرىسادى دا، اقىر سوڭىندا ميلليون تەڭگەنىڭ ايىپپۇلىنا نەمەسە قىلمىستىق ىسكە تاپ بولادى»، - دەدى د. بيگايداروۆ.
بۇعان دەيىن مامان سىبايلاس جەمقورلىق تۋرالى حابارلاعان 90 ادام 14 ميلليون تەڭگە سىياقى العانىن مالىمدەگەن ەدى. سىبايلاس جەمقورلىق فاكتىلەرى تۋرالى 1424 نومىرىنە حابارلاسۋعا بولادى.
اۆتور: ايجان سەرىكجان قىزى
