كامالجان نادىروۆ الماتىدا اۋىر ناۋقاستاردىڭ كوبەيۋىنە نە سەبەپ بولعانىن ايتتى

الماتى. قازاقپارات - الماتىدا جاعدايى وتە اۋىر ناۋقاستاردىڭ سانى ارتتى. ونىڭ سەبەبىن قالالىق قوعامدىق دەنساۋلىق ساقتاۋ باسقارماسىنىڭ باسشىسى كامالجان نادىروۆ بريفينگ بارىسىندا ايتتى، دەپ حابارلايدى قازاقپارات ءتىلشىسى.

«ءبىز اۋىر ناۋقاستار سانىنىڭ ءوسۋى قانت ديابەتى، ارتەريالىق گيپەرتەنزيا، جۇرەك اۋرۋلارى سياقتى قوسىمشا اۋرۋلارى بار ناۋقاستاردىڭ كوبەيۋىنە بايلانىستى دەگەن قورىتىندىعا كەلدىك. سونداي-اق اۋرۋدىڭ اۋىرلىعى مەن ناۋقاستاردىڭ جاس ەرەكشەلىگى اراسىنداعى بايلانىس انىق بايقالادى. جاي-كۇيى اۋىر جانە وتە اۋىر پاتسيەنتتەردىڭ اراسىندا %80 دان استامى - 60 جاستان اسقان ادامدار (%8,8)»، - دەيدى دەنساۋلىق ساقتاۋ باسقارماسىنىڭ باسشىسى كامالجان نادىروۆ. ەپيدەميا باستالعاننان بەرى قالادا جالپى 3429 جاعداي تىركەلدى. 2177 ادام ساۋىعىپ، ەمدەۋدەن شىعارىلدى. 20 پاتسيەنت قايتىس بولدى. بۇگىنگى كۇنى قالا ستاتسيونارلارىندا 1388 پاتسيەنت ەم الۋدا. قالادا وتە اۋىر جاعدايدا - 20، اۋىر دارەجەدە - 150، ورتاشا جاعدايدا - 1022 جانە قاناعاتتانارلىق جاعدايدا - 194 پاتسيەنت بار.

«بۇگىنگى كۇنى وكپەنى جاساندى جەلدەتۋ اپپاراتىنا - 10، وكپەنىڭ ءينۆازيۆتى ەمەس جاساندى جەلدەتۋگە - 16 پاتسيەنت قوسىلعان. بوس اپپاراتتار - 23. جالپى ديناميكادا سىرقاتى اۋىر جانە وتە اۋىر دارەجەدە ءجۇرىپ جاتقان پاتسيەنتتەردىڭ كوبەيگەنى بايقالادى»، - دەدى كامالجان نادىروۆ.

اۆتور: الما مۇقانوۆا