ۇ ب ت-دا جوعارى بالل جيناۋعا كومەكتەسەم دەپ ۋادە ەتكەن ازاماتتار انىقتالدى
بۇل جونىندە ۆەدومستۆونىڭ باسپا ءسوز قىزمەتىنە سىلتەمە جاساپ قازاقپارات حابارلايدى. تەستىلەۋدىڭ اشىقتىعى مەن وبەكتيۆتىلىگىن قامتاماسىز ەتۋ ءۇشىن ءبىلىم جانە عىلىم مينيسترلىگىنىڭ بۇيرىعىمەن ەلىمىزدىڭ بارلىق ايماقتارىندا جۇمىس توبى قۇرىلدى. ونىڭ قۇرامىنا ارنايى مونيتورينگ توپ، «ادالدىق الاڭى» جوبالىق كەڭسەسىنىڭ وكىلدەرى جانە اگەنتتىك قىزمەتكەرلەرى كىرگەن.
«بۇل توپتىڭ نەگىزگى ماقساتى - تەستىلەۋدىڭ «تازالىعىن» باقىلاۋ. قانداي دا ءبىر سايكەسسىزدىكتەر نەمەسە تەستىلەۋدى دۇرىس تاپسىرماعان جاعدايلار انىقتالعاندا، ولار بۇل تۋرالى جاۋاپتى تۇلعالارعا حابارلاۋعا مىندەتتى. قازىر اگەنتتىك الەۋمەتتىك جەلىلەردە، WhatsApp مەسسەندجەرلەرىندە اتا-انالار توپتارىنا مونيتورينگ ۇيىمداستىرۋدا. ونىڭ ناتيجەسىندە ۇلتتىق ءبىرىنعاي تەستىلەۋدەن وڭ ناتيجەگە قول جەتكىزۋگە جاردەم كورسەتۋ بويىنشا بەلگىسىز ازاماتتار انىقتالۋدا. وسىعان بايلانىستى اگەنتتىك وقۋشىلاردى تەك ءوز بىلىمدەرىنە عانا سۇيەنە وتىرىپ، تەست تاپسىرۋعا شاقىرادى، ال اتا-انالاردى تەستىلەۋ قورىتىندىسى بويىنشا وڭ باعا الۋ ماقساتىندا پارا بەرگەنى ءۇشىن قىلمىستىق جاۋاپكەرشىلىك جانە باس بوستاندىعىنان ايىرۋ كوزدەلگەنىن ەسكەرتەدى» دەپ اتاپ ءوتتى جازيرا جىلقىشيەۆا.
ەگەر ازاماتتار وسىنداي جاعدايعا تاپ بولسا، سىبايلاس جەمقورلىققا قارسى قىزمەتتىڭ 1424 call-ورتالىعىنا نەمەسە «استانا - ادالدىق الاڭى» جوباسىنىڭ 77751605532+ نومىرىنە قوڭىراۋ شالۋ قاجەت. جالپى، اگەنتتىك ءبىلىم جانە عىلىم مينيسترلىگىمەن بىرلەسىپ، پاراسات پەن اكادەميالىق ادالدىق يدەولوگياسىن ىلگەرىلەتۋ بويىنشا بەلسەندى جۇمىس جۇرگىزۋدە.
سونىمەن قاتار جازيرا جىلقىشيەۆا ەلوردادا نۇر-سۇلتان قالالىق سىبايلاس جەمقورلىققا قارسى ءىس-قيمىل دەپارتامەنتىنىڭ ارنايى مونيتورينگ توبى مەن «استانا - ادالدىق الاڭى» جوباسىنىڭ مۇشەلەرى يزمايلوۆا ۆالەنتينا ۆاسيليەۆنا، ارىستانبايەۆا سۆەتلانا اندرەيەۆنا، تۋگەلبايەۆ جومارت ماسليحاتوۆيچ، ورمانوۆا التىناي اسىلبەكوۆنا، ماگزۋم ارسلانبەك تالگاتوۆيچ، جانديلدايەۆ باكداۋلەت بولاتوۆيچ ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى، س. سەيفۋللين اتىنداعى قازاق اگروتەحنيكالىق ۋنيۆەرسيتەتى، قازاق ەكونوميكا، قارجى جانە حالىقارالىق ساۋدا ۋنيۆەرسيتەتىندە ۇ ب ت-عا مونيتورينگ جۇمىستارىنا قاتىسقان.
سونىمەن بىرگە، مونيتورينگ توبىنىڭ مۇشەلەرى بەينەباقىلاۋ كامەرالارى ارقىلى تەست تاپسىرۋ بارىسىن ءجىتى قاداعالاپ وتىردى. ءتارتىپ بۇزۋ ورىن العان جاعدايدا وقۋ ورىندارىنىڭ باسشىلارىنا دەرەۋ حابارلاپ وتىر.
