سەمەيدە زاماناۋي پوليتسيا بەكەتى اشىلدى
قالالىق پوليتسيا باسقارماسى باسپا ءسوز قىزمەتىنىڭ مالىمەتىنە سۇيەنسەك، پوليتسيا بەكەتى قاراعايلى ىقشاماۋدانىنداعى تۇرعىن ءۇيدىڭ ءبىرىنشى قاباتىندا ورنالاسقان. جالپى اۋدانى 100 شارشى مەتردەن اساتىن عيماراتتىڭ تەحنيكالىق جابدىقتالۋى زاماناۋي تالاپتارعا تولىقتاي سايكەس كەلەدى.
ونداعى ءتارتىپ ساقشىلارى وزىق بايلانىس قۇرالدارىمەن، كەڭسە تەحنيكالارىمەن جانە كومپيۋتەرلەرمەن قامتاماسىز ەتىلگەن. ءار پودەزدەردەگى بەينەكامەرالاردىڭ جازبالارى وسى پوليتسيا بەكەتىندە تىكەلەي كورسەتىلەتىن بولادى. مۇندا ءتورت ۋچاسكەلىك پوليتسيا ينسپەكتورى جۇمىس ىستەيدى، سونداي-اق كامەلەتكە تولماعاندار ءىسى جونىندەگى ينسپەكتور پروفيلاكتيكالىق شارالارمەن اينالىسادى. پوليتسيا بەكەتى ورتاشا ەسەپپەن 24000 ادامعا قىزمەت كورسەتەدى.
«بۇل پوليتسەيلەردىڭ جۇمىسىنا جايلى جاعداي جاساۋعا بىردەن-ءبىر مۇمكىندىك. كەڭ ءارى جارىق بولمەلەر كومەككە مۇقتاج ادامداردى قابىلداۋعا قاجەتتى بارلىق قۇرال- جابدىقتارمەن جابدىقتالعان. ەندى جاڭا ىقشاماۋداننىڭ تۇرعىندارى الىسقا سەندەلمەي- اق كەز- كەلگەن ماسەلەلەرى بويىنشا ۋچاسكەلىك پوليتسيا قىزمەتكەرىنە جۇگىنە الادى»، - دەيدى سەمەي قالالىق پوليتسيا باسقارماسىنىڭ باسشىسى ماقسات زەكەنوۆ.
ايتا كەتەيىك، جاڭا بەكەت قازاقستاننىڭ پوليتسيا قىزمەتكەرلەرىنىڭ كاسىبي مەرەكەسىنە وراي اشىلىپ وتىر.
اۆتور: تالعاتجان مۇحامەتبەك ۇلى
