الماتىدا كوروناۆيرۋستى انىقتاۋعا تەست تاپسىرعىسى كەلەتىندەردىڭ ۇزىن-سونار كەزەگى ۆيدەوعا ءتۇسىرىلدى
كۋاگەرلەردىڭ ايتۋىنشا، كەزەكتە جۇزدەن استام ادام تۇر.
رەداكتسيانىڭ WhatsApp نومىرىنە الماتىلىق التىناي مولداشەۆا حابارلاستى. ايەل تاڭەرتەڭ ساعات سەگىزدە قالاداعى سەيفۋللين جانە قاراساي باتىر كوشەلەرىنىڭ قيىلىسىندا ورنالاسقان لابوراتوريالاردىڭ بىرىنە كەلگەن. ونىڭ ايتۋىنشا، تاڭەرتەڭ وسىنداي كەزەك بولعان.
«مۇنداي كەزەكتە اناليز تاپسىرۋدان گورى اۋىرىپ قالۋ وڭاي. 130 دان اسا ادام تۇر، قاشىقتىق ساقتالماعان. ءۇش ساعات تۇردىم، ءبىراق سول كۇيى تەست تاپسىرا المادىم. مەن جۇمىستان سۇرانعانمىن، جوتەلىم بار. جاقىندارىم ءۇشىن الاڭدايمىن. قاشىقتان جۇمىس ىستەيمىن. مەنىمەن بىرگە ۇلكەن ادامدار مەن بالالار تۇرادى. ولاردىڭ دەنساۋلىعى ءۇشىن قورقامىن. مۇنداي اۋىر دەرتتىڭ سەبەبى بولعىم كەلمەيدى»، - دەدى الماتىلىق ايەل.
ول كەزەكتە تۇرعانداردى ۆيدەوعا تۇسىرگەن. كادردا لابوراتوريا مامانى جينالعان جۇرتتىڭ الدىندا سويلەپ تۇر. ول ورتالىقتا 70 ەرىتىندى بار ەكەنىن، سوندىقتان كەلۋشىلەردىڭ سانى ءبىر كۇنگە شەكتەلگەنىن ايتتى.
«تەست ارزان ەمەس، 16 مىڭ تەڭگە. نەگە دۇرىس جاعداي جاسالماعان. بىرنەشە كلينيكا اشىپ، ادام سياقتى تاپسىرۋعا بولادى عوي. شاعىمنىڭ شەگى جوق. ەكى ميلليون حالقى بار قالادا ەكى لابوراتوريا ىستەپ تۇر - تەڭىزدىڭ تامشىسىنداي. نەگە دەنساۋلىق ساقتاۋ باسقارماسى تاعى لابوراتوريا اشپايدى؟ تەستتى اقىلى تاپسىرۋدىڭ ءوزى پروبلەما بولىپ كەتتى عوي»، - دەدى ول.
التىناي مولداشەۆانىڭ ايتۋىنشا، مۇنداي جاعداي ءۇشىنشى كۇن قايتالانىپ تۇر.
«بۇل جەردە ءبىر قىز ءۇشىنشى كۇن تەست تاپسىرۋعا كەلىپ تۇر. ءبىرىنشى كۇنى كەلگەن - جەتپەي قالعان. ەكىنشى كۇنى - رەاگەنتتەر ءبىتىپ قالعان، ال ول جۇمىسقا شىعۋ ءۇشىن تاپسىرعىسى كەلىپ ءجۇر. سەبەبى جۇمىسقا تەست ناتيجەسىنسىز كىرگىزبەيدى»، - دەدى ول.
بۇگىن قازاقستاننىڭ باس سانيتار دارىگەرى ايجان ەسماعامبەتوۆا جۇمىس بەرۋشىلەرگە ۇندەۋ جاسادى. ونىڭ ايتۋىنشا، بارلىق ادامعا پ ت ر تەستىنى تاپسىرۋدىڭ قاجەتى جوق. بۇل تەستىنى الدىمەن كوروناۆيرۋس جۇقتىرعان ناۋقاسپەن بايلانىستا بولعاندار، اسكەرگە شاقىرىلعاندار، جابىق مەديتسينالىق مەكەمەدە جۇمىس ىستەيتىن قىزمەتكەرلەر تاپسىرادى.
ەسكە سالايىق، بۇعان دەيىن «وليمپ» ك د ل« باس ديرەكتورى ەرلان سۇلەيمەنوۆ الماتىداعى جۇكتەمەنى ازايتۋ ءۇشىن كورشىلەس ءتورت قالادا: تالدىقورعان، شىمكەنت، تاراز، قىزىلوردا تەست تاپسىراتىن لابوراتوريا اشىلاتىتىن ايتقان بولاتىن.
