كوروناۆيرۋس: ناۋرىز ايىنان بەرگى ەڭ تومەنگى ءولىم كورسەتكىشى تىركەلدى

ريم. ANSA- قازاقپارات - دۇيسەنبى كۇنى يتاليانىڭ ازاماتتىق قورعانىس دەپارتامەنتى ەلدە وتكەن تاۋلىكتە كوروناۆيرۋستان 23 ادام قايتىس بولعانىن ءمالىم ەتتى، بۇل - ەلدەگى ناۋرىز ايىنان بەرى ءبىر كۇن ىشىندە تىركەلگەن ەڭ تومەنگى ءولىم كورسەتكىشى.
None
None

جەكسەنبى كۇنى ول 24 كە جەتكەن بولاتىن، دەپ حابارلايدى قازاقپارات ANSA اگەنتتىگىنە سىلتەمە جاساپ.

ءۇش ادام ەلدە ۆيرۋستان ەڭ كوپ زارداپ شەككەن ايماق لومبارديادا قايتىس بولعان.

بۇل - 27- اقپاننان بەرى ايماقتا تىركەلگەن ەڭ از ءولىم كورسەتكىشى. قازىرگى ۋاقىتتا يتاليادا كوروناۆيرۋستان كوز جۇمعانداردىڭ جالپى سانى 34657 ادامعا جەتتى. سونداي-اق، دەپارتامەنت ەلدە ءبىر تاۋلىكتە كوروناۆيرۋس جۇقتىرۋدىڭ 218 جاڭا جاعدايى تىركەلگەنىن حابارلادى.

ولاردىڭ 143 ءى لومبارديادان انىقتالعان.

دۇيسەنبى كۇنى ەلدىڭ اپۋليا، فريۋلي- ۆەنەتسيا- دجۋليا، سيتسيليا، ساردينيا، ۋمبريا، ۆاللە- د'اوستا جانە بازيليكاتا ايماقتارىندا بىردە-ءبىر كوروناۆيرۋس جۇقتىرۋ جاعدايى تىركەلمەگەن.

183426 ادام ساۋىعىپ شىققان. يتاليادا COVID-19 ۆيرۋسىن جۇقتىرعانداردىڭ جالپى سانى 238720 ادامعا جەتتى.

سوڭعى جاڭالىقتار