قىتايدا «بەيدوۋ» ناۆيگاتسيالىق جۇيەسىنىڭ سوڭعى جەرسەرىگى ۇشىرىلدى
ميسسيا قىتايدىڭ وڭتۇستىك-باتىسىنداعى سىچۋان پروۆينتسياسىنىڭ «سيچان» عارىش ايلاعىندا ورىندالدى، دەپ حابارلايدى قازاقپارات.
ۇشىرىلىم سەيسەنبى كۇنى بەيجىڭ ۋاقىتىمەن ساعات 09:43 تە ورىندالعان. قىتاي سوڭعى جەرسەرىكتى ۇشىرۋ ارقىلى جەكە جاھاندىق ناۆيگاتسيالىق جۇيەنى قالىپتاستىرۋدى اياقتاپ وتىر.
ەسكە سالا كەتسەك، قىتايدىڭ «بەيدوۋ» ناۆيگاتسيا جۇيەسى ءۇش كەزەڭدە جۇزەگە اسىرىلدى.
2000-جىلى قىتاي اۋماعىن قامتيتىن «بەيدوۋ-1» جۇيەسىنىڭ ءبىر بولىگى قالىپتاستىرىلدى، 2012-جىلى ازيا-تىنىق مۇحيت ايماعىن قامتيتىن «بەيدوۋ-2»، 2020-جىلى جاھاندىق ناۆيگاتسيالىق توپتى قامتيتىن «بەيدوۋ-3» قولعا الىندى.
«بەيدوۋ-3» جۇيەسىندە 30 جەرسەرىك بار، ونىڭ 29 ى جەر اينالاسىنا وربيتاعا شىعارىلعان. «بەيدوۋ» قىتايلىق كليەنتتەرگە، سونىڭ ىشىندە ازاماتتىق تۇلعالار مەن اسكەري قۇرىلىمدارعا بۇكىل الەم بويىنشا جەكە ناۆيگاتسيالىق جۇيە قىزمەتىن پايدالانۋعا مۇمكىندىك بەرەتىن الەمدەگى ءتورتىنشى ءىرى جاھاندىق ناۆيگاتسيالىق جۇيە بولماق.
